Rossiyaning Red Wings aviakompaniyasi 4-noyabrdan Toshkentdan Stavropol va Ufaga to‘g‘ridan to‘g‘ri reyslarni yo‘lga qo‘yadi.
Uzbekistan Airports matbuot xizmatining ma’lum qilishicha, parvozlar muntazam ravishda 100 o‘ringa mo‘ljallangan SSJ100 samolyotlarida amalga oshiriladi.
Toshkent—Stavropol va Toshkent—Ufa yo‘nalishlari bo‘yicha parvozlar haftada bir marta, juma kunlari amalga oshiriladi. Chiptalar flyredwings.com rasmiy veb-saytida yoki aviakompaniyaning mobil ilovasi orqali sotuvga qo‘yilgan.
Red Wings — Rossiyaning eng yirik o‘nta aviakompaniyalaridan biri bo‘lib, doimiy va charter reyslarda yo‘lovchi tashishga ixtisoslashgan. Bugungi kunda aviatashuvchi O‘zbekiston poytaxtidan Moskva, Yekaterinburg va Maxachqal’aga parvozlarni amalga oshirmoqda.
Izoh (0)