Qozog‘iston OAVlarining xabar berishicha, mamlakatning Rossiya bilan chegara o‘tish joylarida ko‘p kilometrlik navbatlar barham topib, vaziyat normal holatga qaytmoqda.
“Kazinform” xabariga ko‘ra, jurnalistlar G‘arbiy Qozog‘iston viloyatidagi “Sirim” chegara punktiga (Rossiya tomonidan “Mashtakovo”) tashrif buyurgan. Ular Qozog‘istondan kelayotgan yuk mashinalarining ulkan navbati uch baravardan ko‘proq — yetti-ikki kilometrga qisqarganini ko‘rgan.
Chegara punktida navbat kutib turgan taksi haydovchilarining soni ham kamaygan, ularning xizmatlari narxi arzonlashgan. Ruslar oqimi kuchaygan paytda taksi haydovchilari Uralskka yetkazib qo‘yish uchun 16 ming tenge yoki 35 dollar yo‘l haqi olayotgandi.
OAV xabariga ko‘ra, do‘sti bilan uchrashish uchun chegaraga kelgan rossiyaliklardan biri 28-sentabr kuni ko‘plab yurtdoshlari safarbarlikka chaqiruv qog‘ozini olgani va bu odamlar mamlakatdan keta olmasligini aytgan. Chaqiruv qog‘ozi olmaganlar uchun esa Rossiyadan chiqishda muammo kuzatilmayapti.
Izoh (0)