2024-yil 13-noyabrda CAEx Build&Co xalqaro ixtisoslashtirilgan qurilish ko‘rgazmasining ochilishi bo‘lib o‘tadi. Tadbir qurilish bozori va dizayn sohasining yetakchi vakillarini jalb etish, potensial mijozlar, hamkorlar va ta’minotchilar bilan muloqot maydonini yaratish, shuningdek, strategik rejalarni muhokama qilish va yangi shartnomalar tuzish maqsadida tashkil etilgan. Ko‘rgazma Toshkent shahrida, CAEx ko‘rgazmalar markazida bo‘lib o‘tadi va 15-noyabrgacha davom etadi.
Soha istiqbollari
O‘zbekistonning qurilish sohasi so‘nggi yillarda barqaror o‘sishni ko‘rsatmoqda va mamlakat iqtisodiyotida muhim ahamiyat kasb etmoqda. O‘zbekiston Respublikasi Statistika agentligi ma’lumotlariga ko‘ra, 2024-yilning yanvar-iyun oylarida mamlakatimizda bajarilgan qurilish ishlari hajmi 79,8 trillion so‘mni tashkil etib, o‘tgan yilning shu davriga nisbatan 10,1 foiz yuqori bo‘lgan. 2024-yil 1-iyun holatiga ko‘ra, O‘zbekistonda qurilish sohasida faoliyat yuritayotgan 31 085 ta korxona va tashkilot ro‘yxatdan o‘tgan, ularning 7 110 tasi Toshkent shahrida joylashgan. Ushbu ma’lumotlar nafaqat sohaning rivojlanishini, balki qurilish kompaniyalarining bozordagi yetakchi o‘rinlarini saqlab qolish va mustahkamlash uchun soha tadbirlari, anjumanlar, ko‘rgazmalarda ishtirok etishining dolzarbligini ham ko‘rsatib bermoqda.
Bunday tadbirlar nafaqat tajriba almashish va ilg‘or texnologiyalarni joriy etish uchun yangi imkoniyatlar yaratadi, balki mahalliy va xorijiy kompaniyalar bilan hamkorlik aloqalarini o‘rnatish uchun maydon vazifasini ham bajaradi. Ko‘rgazmalarda o‘z yutuqlarini namoyish etish orqali biznes doirasini kengaytirish va yangi bozorlarga kirib borish imkoniyati yaratiladi. Bu, ayniqsa, qurilish sohasi muntazam rivojlanib borayotgan va yangi texnologiyalar joriy etilayotgan hozirgi sharoitda juda muhimdir.
Ko‘rgazma bo‘limlari
Kompaniyalar ko‘rgazmaning 10 dan ortiq yo‘nalishlarida qatnashish imkoniyatiga ega. Ishtirokchilar va tashrif buyuruvchilar uchun qulaylik yaratish maqsadida ko‘rgazma quyidagi mavzuli bo‘limlarga ajratilgan: “Qurilish maxsus texnikalari”, “Qurilish materiallari”, “Jihozlar va asbob-uskunalar”, “Deraza texnologiyalari”, “Panel va moldinglar”, “Eshiklar va qulflar”, “Keramika va pardoz materiallari”, “Tom yopish qoplamalari”, “Oboylar, bo‘yoqlar va dekorativ suvoqlar”, “Pol qoplamalari” va boshqalar.
Bundan tashqari, bu yilgi ko‘rgazmada nafaqat qurilish mahsulotlari, balki dizayn va interer yechimlari ham taqdim etiladi. Mutaxassislarning fikricha, bunday uyg‘unlik turdosh sohalar mutaxassislarini ko‘proq jalb qilish va ishtirokchilar faoliyatining samaradorligini oshirish imkonini beradi. Tashrif buyuruvchilar uchun esa bu qurilish, ta’mirlash va dizayn masalalarini bir joyda hal qilish uchun noyob imkoniyat yaratadi, bu esa vaqtni sezilarli darajada tejaydi.
Sohaning dolzarb masalalari va rivojlanish tendensiyalarini muhokama qilish
Ishbilarmonlik dasturi turli xil tadbirlarni o‘z ichiga oladi. Jumladan, tadbir doirasida panel munozaralari o‘tkaziladi, unda ishlab chiqaruvchilar, qurilish sanoati va dizayn sohasi vakillari sohaning zamonaviy tendensiyalari, shuningdek, qurilish va ta’mirlash materiallaridan foydalanishning dolzarb usullarini muhokama qiladilar. Ishtirokchilar mazmunli dastur orqali ekspertlar hamjamiyati vakillari bilan tajriba almashish va qurilish sohasidagi so‘nggi yangiliklardan xabardor bo‘lish imkoniyatiga ega bo‘ladilar.
Biznesni rivojlantirish uchun imkoniyatlar
Tadbir doirasida xarid dasturi tashkil etiladi. Bu dastur ishtirokchilarga bayerlar bilan bevosita muloqot qilish, mahsulotlarini namoyish etish, hamkorlik shartlarini muhokama qilish va foydali shartnomalar tuzish imkoniyatini taqdim etadi. Bayerlar - bu yangi ta’minotchilarni izlash va bozorni o‘rganish maqsadida ko‘rgazmaga tashrif buyuradigan ulgurji xarid bilan shug‘ullanuvchi kompaniyalar. Shu sababli, ko‘rgazma nafaqat mahsulotlarni namoyish etish, balki savdo geografiyasini kengaytirish va xaridorlar sonini ko‘paytirish uchun samarali vositalarni taqdim etadi.
Kompaniyalar CAEx Build&Co. ko‘rgazmasida o‘z stendini band qilishi va ishtirok etishi mumkin. Batafsil ma’lumotlarni uning rasmiy veb-saytidan olishingiz mumkin. Qo‘shimcha maslahat uchun +998 78 113-33-33 raqamiga murojaat qiling.
Manzil: CAEx ko‘rgazma markazi, Mirzo Ulug‘bek tumani, “Barkamol” MFY, Milliy bog‘ ko‘chasi, 1-uy.
Sayt: buildco.caexuzbekistan.com
Instagram: @caex_build_co
Telegram: t.me/caexuzbekistan
Reklama huquqi asosida
Izoh (0)