Bugun,

  • USD 11095.31
  • RUB 173.84
  • EUR 10772.44

Qashqadaryo viloyati Dehqonobod tumanida oilaviy shifokorlik punkti feldsheri nogironligi bo‘lgan shaxsning bank kartasidagi pullarini o‘zlashtirdi. Bu haqda Ichki ishlar vazirligi Kiberxavfsizlik markazi xabar bermoqda.

Foto: Ichki ishlar vazirligi Kiberxavfsizlik markazi

Foto: Ichki ishlar vazirligi Kiberxavfsizlik markazi

Ma’lum qilinishicha, Dehqonobod tumanida yashovchi, 2-guruh nogironligi bo‘lgan shaxs, 1963-yilda tug‘ilgan fuqaro Q.Sh. ariza bilan murojaat qilib, noma’lum shaxs bank kartasida mavjud bo‘lgan jami 5 million 40 ming so‘m pullarini yechib olganini bildirgan.

Tezkor-qidiruv tadbirlari natijasida fuqaro Q.Sh.ning bank kartasidan pullarni yechib olgan shaxs Dehqonobod tumanida yashovchi, oilaviy shifokorlik punkti feldsheri — 1993-yilda tug‘ilgan V.E. ekani aniqlangan.

U mazkur jinoyatni fuqaro Q.Sh. oilaviy shifokorlik punktiga shifokor ko‘rigiga kelgan vaqtda uning mobil telefonidan bank kartasi ma’lumotlarini va SMS kodni qo‘lga kiritib, Click Evolution mobil ilovasi orqali pullarni o‘zlashtirgan. V.E.ga nisbatan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari olib borilmoqda.

Mavzuga doir: Qashqadaryodagi bog‘chada tarbiyachi hamkasblarining plastigidan salkam 7 mln so‘m o‘g‘irladi

Izoh
Asosiy yangiliklar
Mahalliy
Oʻzbekiston energetikasi: ortayotgan talab, taqchillik va koʻrilayotgan choralar haqida
Dunyo
Qirg‘izistonda 9 kishida “Seftriakson”ga allergik reaksiya kuzatildi, bir kishi vafot etdi
Mahalliy
Besh yilda 218 mingdan koʻproq xonadon. Oʻzbekistonda uy-joy muammosi qanday hal etilmoqda?