Foto: Namanganda yuridik texnikum foydalanishga topshirildi

Namanganda yuridik texnikum foydalanishga topshirildi. Bu haqda “Daryo” muxbiri Azizbek Abduvaliyev xabar bermoqda.

Namangan shahri markazida joylashgan texnikum Adliya vazirligi tomonidan ajratilgan 11 milliard so‘m mablag‘ evaziga qayta rekonstruksiya qilindi.

Ta’lim maskani 600 o‘ringa mo‘ljallangan. Keng va yorug‘ sinf xonalari, faollar zali, IT va axborot-resurs markazlari, “Yuridik klinika”, “Zakovat” klubi, zamonaviy oshxona, yigit va qizlar uchun alohida yotoqxonalar, sportzal va stadionda yoshlar uchun barcha sharoitlar yaratilgan.

E’tiborli tomoni, texnikumdagi xonalardan birida sud zali ham mavjud. Bu yerda bo‘lajak huquqshunoslar nazariy bilimlarini amaliyotda cinab ko‘rishlari mumkin.

Yuridik texnikumni foydalanishga topshirish marosimida Namangan viloyati hokimi Shavkat Abdurazzaqov va Adliya vazirining o‘rinbosari Aktam Muhammadiyev ishtirok etdi.

Mavzuga doir: O‘zbekistonda yuridik texnikumlarga kirish sinovlari natijalari e’lon qilindi