30-sentabr kuni Navoiy kon-metallurgiya kombinatiga qarashli “Auminzo-Amantay” konida BelAZ 7513 avtosomasvali yonib ketgani haqida xabar ijtimoiy tarmoqlarda tarqalgan edi. NKMK rasmiy sayti esa uchun hodisa rasmiy munosabat bildirdi.
“Kompramatuzb” telegram kanalida “Navoiy kon-metallurgiya kombinatiga qarashli “Auminzo-Amantay” konida BelAZ 7513 avtosomasvali yonib ketdi, haydovchi kuyish jarohati olib vafot etdi” nomli postiga rasmiy munosabat.Shuni ma’lum qilamizki, “Markaziy Amantoy” konida tog‘ jinslarni to‘kish uchun harakatlanayotgan vaqtida BelAZ rusumli og‘ir yuk ko‘taruvchi karyer avtoag‘dargichining old chap qismida yong‘in kelib chiqqan. Natijada avtoag‘dargich haydovchisi kuyish tan jarohatini olgan va kasalxonaga yetkazilgan. Shifokorlarning ko‘rsatgan tibbiy yordami va muolajalariga qaramasdan, olgan jarohati natijasida haydovchi vafot etgan.
O‘zbekiston Respublikasi Vazirlar Mahkamasining “Ishlab chiqarishdagi baxtsiz hodisalarni va xodimlar salomatligining mehnat vazifalarini bajarish bilan bog‘liq boshqa xil zararlanishini tekshirish va hisobga olish to‘g‘risidagi Nizom”ga asosan maxsus tekshirish komissiyasi tuzilgan. Komissiya tomonidan oqibati o‘lim bilan tugagan baxtsiz hodisani surishtiruv ishlari olib borilayotganini ma’lum qilamiz. O‘rganish natijalari yuzasidan qo‘shimcha ma’lumot e’lon qilinadi.
“NKMK” AJ matbuot xizmati
Izoh (0)