O‘zbekistondagi yetakchi va eng past natija ko‘rsatgan OTMlar ma’lum bo‘ldi — reyting

O‘zbekistondagi oliy ta’lim muassasalarining umumiy reytingi e’lon qilindi. Bu haqda Oliy va o‘rta maxsus ta’lim vazirligi xabar bermoqda.

Eng yuqori natija qayd etgan OTMlar:

• “Toshkent irrigatsiya va qishloq xo‘jaligini mexanizatsiyalash muhandislari instituti” milliy tadqiqot universiteti;
• O‘zbekiston milliy universiteti;
• Toshkent moliya instituti;
• Samarqand davlat universiteti;
• Navoiy davlat konchilik instituti.

Eng quyi natija qayd etgan OTMlar:

• Termiz muhandislik texnologiya instituti;
• O‘zbek milliy musiqa san’ati instituti;
• Farg‘ona jamoat salomatligi tibbiyot instituti;
• Termiz agrotexnologiyalar va innovatsion rivojlanish instituti;
• Qarshi davlat universitetining pedagogika instituti.

Milliy reyting doirasida bitiruvchilari mavjud 92 ta (shu jumladan, 69 ta OTM, 23 ta filial) oliy ta’lim muassasalarining faoliyati samaradorligiga 4 ta yo‘nalishdagi 20 ta indikator asosida baho berildi.