Ukraina prezidenti Vladimir Zelenskiy 25-sentabr kuni Dog‘istonda safarbarlikka qarshi bo‘lib o‘tgan norozilik namoyishlariga rus tilida fikr bildirdi. U urushning 214-kuni yakunlari bo‘yicha murojaatining bir qismini shunga bag‘ishladi.
Ko‘rib turibmiz, odamlar, xususan, Dog‘istondagilar o‘z hayoti uchun kurasha boshladi. Ko‘ryapmiz, ular bu masala o‘z hayoti bilan bog‘liqligini tushuna boshladi. Nega ularning erlari, ukalari, o‘g‘illari bu urushda halok bo‘lishi kerak? Faqat bir odam xohlayotgan urushda. Xalqimizga, yurtimizga qarshi urushda. Axir u (Vladimir Putin) o‘z bolalarini urushga yubormayapti-ku.Ukraina rahbari rossiyaliklarni safarbarlikka bo‘ysunmaslikka, harbiy xizmatdan qochishga yoki birinchi imkoniyatda Ukrainaga taslim bo‘lishga yana bir bor chaqirdi.Farzandlaringizni o‘limga yubormaslik uchun kurashing. Chunki farzandlarimizning jonini olishga kelsangiz — ota sifatida aytamanki — sizni tirik qoldirmaymiz, — dedi Zelenskiy.
25-sentabr kuni Dog‘istonning Xasavyurt tumanidagi Endirey qishlog‘i aholisi safarbarlikka qarshi norozilik bildirib, Xasavyurt—Maxachqala federal avtomobil yo‘lini to‘sib qo‘ygan. Politsiya havoga o‘q uzgan holda namoyishchilarni tarqatib yuborishga harakat qilgan.
Avvalroq Yoqutistonda ayollar safarbarlikka qarshi namoyishga chiqqan edi.
Izoh (0)