“Barselona” Lionel Messini ortga qaytarish uchun bilan munosabatlarni yaxshilashga kirishdi.
Mundo Deportivo’ning xabar qilishicha, katalon klubi vaziyatni tahlil qilmoqda va Messi bilan aloqalarni tiklash uchun harakatni boshlagan.
“Barselona”ning asosiy maqsadi 2023-yilning yozida “PSJ” bilan shartnomasi tugaydigan argentinalikni jamoaga qaytarish. Uning qaytishi sharafiga “Kamp Nou”da katta marosim tashkil etilishi mumkin. Shuningdek, klub unga elchilik lavozimini taklif qilmoqchi.
“Barselona” Messini qaytarish uchun ko‘p jabhada ish qilishiga to‘g‘ri keladi. Leoni ko‘ndirishdan tashqari, uning maoshini vedomostga sig‘dirish, bundan tashqari Messi Xavining yangi taktikasiga tushish tushmasligini tahlil qilish lozim bo‘ladi. Qayd etilishicha, Xavi o‘z jamoasida Lionelni ko‘rishdan xursand bo‘ladi.
Katalonlar 35 yoshli futbolchi qaytishga rozi bo‘lishiga ishonmoqda. Futbolchining o‘zi hozir bu masalani muhokama qilishni istamayapti, uning bor e’tibori JCH—2022 ga qaratilgan.
Messi joriy mavsum “PSJ” safida 11 ta o‘yin o‘tkazib, 6 gol va 8 golli uzatma muallifiga aylandi.
Izoh (0)