Alisher Usmonovning singlisi Yevropa Ittifoqining sanksiyalar ro‘yxatidan chiqarildi

Oligarxning singlisi hamda “Arsenal” futbol klubining sobiq aksiyadori, Ukrainadagi urushga javoban tuzilgan Yevropa Ittifoqining sanksiyalar ro‘yxatidan o‘chirildi. Bu haqda The Guardian nashri xabar bermoqda.

Usmonovning singlisi Saodat Narziyeva aprel oyida ro‘yxatga kiritilgan rossiyalik amaldorlar va oligarxlarning bir qator qarindoshlari safida edi.

 

Biz boshidanoq Saodat Narziyevaga nisbatan qo‘llanilgan sanksiyalar yolg‘on ayblovlarga asoslanganini aytgan edik. Hozirda bu ayblovlar ishonchli ravishda rad etildi. Yevropa Ittifoqi kengashining Narziyevani bu sanksiyalar ro‘yxatidan olib tashlash haqidagi qarorini olqishlaymiz.

Matbuot kotibi

Cheklovlar Usmonov va Narziyevani Yevropa Ittifoqi bo‘ylab sayohat qilish yoki a’zo davlatlar hududida joylashgan aktivlardan foydalanishga to‘sqinlik qilgan. Ushbu sanksiyalarni bekor qilish maqsadida ularning har biri sudga alohida murojaat yo‘llagan.

Yevropa Ittifoqi ro‘yxatidan o‘chirilgan boshqa shaxslar orasida marhum rossiyalik populist yetakchi Vladimir Jirinovskiy va moliyachi Mixail Fridmanning sobiq rafiqasi Olga Ayziman ham bor.

Biroq Alisher Usmonov  hozircha sanksiyalar ro‘yxatida qolgan.