Bugun,

  • USD 10940.05
  • RUB 182.26
  • EUR 11121.65

Oliy ta’lim muassasasiga kirish imtihonlarida abituriyentlarga 5 ta yo‘nalishni tanlovi berilishi qobiliyatlarni asrab qolishda imkoniyat yaratadi. Bu haqda AOKAda bo‘lib o‘tgan matbuot anjumanida oliy ta’lim vaziri Abduqodir Toshqulov aytib o‘tdi.

Abduqodir Toshqulov

Abduqodir Toshqulov
Foto: “Daryo”

Abduqodir Toshqulovning aytishicha, oliy ta’lim muassasasiga kirish imtihonlarida abituriyentlarga 5 ta yo‘nalishni tanlash imkoniyatining berilishi yoshlarning kelajakda o‘z yo‘lini topishlariga yordam beradi. Buni vazir bir vaqtlar a’lochi bo‘lgan sinfdoshining hayoti bilan qiyosladi.

“Mening bir sinfdoshimning ko‘pgina fanlardan bilimi mendan yaxshiroq edi. Men besh daqiqada matematikadan masalani ishlasam, u uch daqiqada boshqa yo‘l bilan ishlab qo‘yardi. U Toshkentga keldi. O‘sha vaqtlarda iqtisodiy yo‘nalishlarga kirish 200 balldan past emas edi. Keladi, 189 ball oladi, qaytadi, yana keladi, 192 ball oladi, qaytadi. Men 177 ball bilan o‘zimning viloyatimda o‘qib, mana, bugun sizga hisobot beradigan darajagacha prezidentimiz, xalqimiz ishonchi bilan keldim. U sinfdoshim besh yil shunaqa bo‘lib, shu bilan o‘qimadi. Yaqinda borib kasbini so‘rasam, maktabda qorovul bo‘lib ishlayotgan ekan. Ko‘zimdan yosh chiqib ketdi. O‘sha davrdagi ta’lim siyosati shunaqa qobiliyatni boy berdi. Hali ham o‘qisam bo‘ladimi, deb so‘rayapti, olovi o‘chmagan. Hozir beshta yonalishni belgilash juda katta imkoniyat ekanligini bir o‘ylab ko‘ring. Agar shu imkoniyat bo‘lganida, hozir qorovul bo‘lib ishlayotgan sinfdoshim o‘qib ketardi. Davlatga, jamiyatga xizmat qiladigan mutaxassis bo‘lardi. Qorovullik kasbini yerga urmoqchi emasman. Har kim qobiliyatiga, sharoitiga yarasha ishni qilishi kerak. Biz qobiliyatni yo‘qotib qo‘ydik”, — dedi oliy ta’lim vaziri.

Ma’lumot uchun, 2018-yilgacha abituriyentlar faqat bitta ta’lim yo‘nalishini tanlashi mumkin edi. 2019-yilda bu ko‘rsatkich 3 tani, 2020-yilda esa 5 tani tashkil etgan.

Izoh
Asosiy yangiliklar
Dunyo
Xarkovdagi Starlink antennasi, orkestr ostida safarbarlikka kuzatilayotgan rossiyaliklar. Urushning 215-kunidan fotoreportaj
Dunyo
Rossiyadan Osiyoga neft eksporti kamayadimi?
Madaniyat
Gollivud aktyori Alek Bolduin sakkizinchi marotaba ota bo‘ldi