Qashqadaryo viloyati Qarshi shahrida 9-sentabr kuni 4 yoshli bolani poyezd bosib ketgani haqida xabar qilingandi. Nasafnews holat yuzasidan qo‘shimcha ma’lumot berdi.
Qayd etilishicha, vafot etgan bola 2020-yil mart oyida tug‘ilgan. U 4 yoshda emas, 2 yarim yoshda bo‘lgan. Bola ilk marta 8-sentabr kuni Koson tumani “Qo‘ng‘irtog‘” mahallasida joylashgan nodavlat bog‘chaga onasi tomonidan olib kelingan.
Ertasi kuni, 9-sentabr soat 15:33 lar atrofida bola tushlikdan o‘tgandan keyin bog‘chadan chiqib, poyezd yo‘l tomonga yurib borgan.
Poyezd yo‘l tagida o‘tish joyi bo‘lgani uchun bola va onasi shu joydan bog‘chaga qatnagan.
Bola tushlik paytida bog‘cha tarbiyachilari tomonidan nazoratsiz qoldirilgani aytilmoqda.
Izoh (0)