Bugun,

  • USD 11014.01
  • RUB 191.8
  • EUR 10674.78

Foto: Getty Images

Britaniya qirolligini 70 yil boshqargan qirolicha Yelizaveta II (1926—2022) o‘z burchiga sadoqati uchun doim maqtovga sazovor bo‘lgan, biroq uning hukmronligi ko‘pincha oilasi bilan bog‘liq janjallar ostida o‘tgan. Quyida uning rekord darajada uzoq davom etgan hukmronligi davrida qirollik oilasiga ta’sir qilgan eng muhim voqealar bilan tanishamiz.

Shahzoda Filipp. Yelizavetaning Gretsiya shahzodasi Filippga turmushga chiqish qarori bahs-munozaralardan xoli bo‘lmagan.

Filipp Ikkinchi jahon urushi paytida Britaniya Qirollik dengiz flotida xizmat qilgan bo‘lsa-da, uning opa-singillari Natsistlar partiyasi a’zolari bo‘lgan nemis aristokratlariga turmushga chiqqan edi. Shu sababli uning nemis qarindoshlaridan hech biri to‘yga taklif qilinmadi.

Foto: Hulton Archive

Malika Diana va Kamilla. Yelizaveta II hukmronligi davrida eng yirik mojaro to‘ng‘ich o‘g‘li Charlz va uning birinchi rafiqasi Diananing muvaffaqiyatsiz nikohi bilan bog‘liq edi. Bunga Charlzning Kamilla Parker Boulz bilan ishqiy munosabatlari, Diananing o‘limidan keyin u bilan turmush qurgani sabab bo‘lgan.

Charlz va Diananing 1981-yildagi ertaknamo to‘yi bir umrlik baxtni kafolatlamadi. 1990-yil boshida juftlikning nikohi parchalana boshladi

Jurnalist Endryu Morton 1992-yilda yozgan kitobida Diananing Charlz bilan munosabatlariga tuzatib bo‘lmas darajada putur yetgani va baxtsizligi tufayli malika o‘z joniga qasd qilishga uringani haqida hikoya qilinadi.

Keyinroq televideniyega bergan intervyularida ikkalasi ham bir-birga xiyonat qilganini tan oldi, Diana harbiy ofitser Jeyms Huitt bilan Charlz esa Kamilla bilan ishqiy munosabatda bo‘lgan.

Malika Diana va qirolicha Yelizaveta II

Malika Diana va qirolicha Yelizaveta II
Foto: Wuztrending Finland

1992-yil oxiridagi nutqida qirolicha bu yil og‘ir o‘tgani ortga xursandchilik bilan qarab bo‘lmasligini aytdi.

Bu davrda Vindzor qal’asidagi qirollik uyida katta yong‘in yuz bergan, Charlz va Diana ajralishdi. Ammo ularning ajralishi o‘sha yili buzilgan yagona nikoh emasdi.

Qirolichaning ikkinchi o‘g‘li shahzoda Endryu va uning rafiqasi Sara Ferguson ham ayro yo‘llardan ketishga qaror qildi.

1992-yilning bahorida esa qirolichaning qizi malika Anna qariyb 20 yillik turmushidan keyin Mark Fillips bilan rasman ajrashdi. Anna o‘sha yilning dekabr oyida dengiz qo‘mondoni Timoti Lorensga turmushga chiqdi.

Shahzoda Endryu o‘zining yengil-yelpi hayot tarzi sabab tez-tez gazeta muqovalaridan joy olardi. Keyinchalik unga nisbatan jinsiy zo‘ravonlik ayblovi ilgari surildi.

Bunga shahzodaning voyaga yetmagan qizlar orasida fohishalikni tashkillashtirishda ayblangan milliarder Jeffri Epshteyn (2019-yilning avgustida u qamoqxona kamerasida o‘z joniga qasd qilgan) bilan aloqalari sabab bo‘lgan. 2022-yilda shahzoda Endryu harbiy unvonlari va qirollik homiyligi huquqlaridan mahrum etildi.

Shahzoda Garri va Megan Markl. Yelizaveta II ning nabirasi shahzoda Garri bolaligida Britaniya matbuoti tomonidan qirollikning “yovvoyi bolasi” sifatida ta’riflangan. U voyaga yetmasdan pabda ichkilik ichgani, tungi klub oldida paparatssilar bilan janjallashgani haqida xabarlar tarqalgan, ayniqsa ziyofatda natsist zobitiga o‘xshab kiyingani omma g‘azabiga sabab bo‘lgan.

Ammo u o‘zining sodda tabiati va harbiy xizmatlari bilan ommaga tanildi. Uning 2018-yilda amerikalik aktrisa Megan Markl bilan nikohi esa yangi zamonaviy monarxiyaning timsoli sifatida e’tirof etildi.

Foto: Reuters

Biroq ular 2020-yil yanvar oyida qirollik vakolatlaridan voz kechishga va qirollik oilasini tark etishga qaror qildi. 2021-yilning mart oyida juftlik Los-Anjelesga ko‘chib o‘tdi. O‘sha yili ularning amerikalik boshlovchi Opra Uinfri bilan televideniye intervyusi qirollik a’zolariga va Bukingem saroyiga jiddiy zarba bo‘ldi. Unda Megan qirollik oilasidagi irqchilik va o‘z joniga qasd qilish yoqasiga kelib qolgani haqida aytib bergan. Intervyu katta shov-shuvlarga sabab bo‘lgan.

Mavzuga doir: Qirolicha Yelizaveta II ning moda tarixida o‘chmas iz qoldirgan eng yorqin obrazlari (foto)

Izoh
Asosiy yangiliklar
Dunyo
Rossiyaning Nyu-Yorkdagi bosh konsulligi binosi qizil bo‘yoqqa bo‘yaldi (video)
Dunyo
“Zelenskiy NATOga ariza topshirib, dunyoga uchinchi jahon urushini taklif qilmoqda” — Dmitriy Medvedev
Dunyo
“Biz muloqotga tayyormiz, ammo boshqa prezident bilan” — Zelenskiy Rossiyada prezident almashsagina muzokaralar stoliga qaytishini ta’kidladi