Qarshida 20 yoshli qizni mashina urib ketgani haqida xabarlar va holat aks etgan video ijtimoiy tarmoqlarda tarqaldi. Qashqadaryo viloyati IIB matbuot xizmati holat yuzasidan ma’lumot berdi.
Unda aytilishicha, voqea 19-avgust kuni soat 16:30 larda yuz bergan. Fuqaro A.D. Gentra rusumli avtomashinasida Qarshi shahar Islom Karimov ko‘chasi bo‘ylab harakatlanib kelib, yo‘lning piyodalar o‘tish yo‘lagidan kesib o‘tayotgan fuqaro T.M.ni urib yuborgan.
Mazkur holat yuzasidan Qarshi shahar IIO FMB 2-sonli IIB huzuridagi tergov bo‘limi surishtiruvchisi tomonidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.
Izoh (0)