Toshkentda er xotinini jasadini mashina yukxonasida olib yurgani haqida xabar berilgandi. IIV matbuot xizmati ijtimoiy tarmoqlarda holat aslidan boshqacha tarzda yoritilganini ma’lum qildi va rasmiy ma’lumot taqdim etdi.
Qayd etilishicha, 2022-yilning 9-iyun kuni Yakkasaroy tumani Kichik halqa yo‘li ko‘chasida yashovchi 1987-yilda tug‘ilgan J.D. (ayol) erta sahardan kuchli bosh og‘rig‘i hamda to‘xtovsiz qayd qilish oqibatida, turmush o‘rtog‘i X.O. tez yordamga murojaat qilgan. Tibbiyot maskanida ko‘rsatilgan muolajalarga qaramasdan ayol shu kuni soat 09:45 vafot etgan.
O‘tkazilgan sud-tibbiyot ekspertizasining xulosasiga ko‘ra, ayolga “chap tuxumdon kistasi, ichki qon yo‘qotish, tuxumdon va bachadon tashqi homilasi, ichki qon yo‘qotish, ichki a’zolari kam qonligi” tashxisi qo‘yilgan.
Ijtimoiy tarmoqlarda tarqalgan videotasvirda ayol murdasini turmush o‘rtog‘i tomonidan morgdan uyiga qaytarib olib kelgan holati qayd etilgan.
Hozirda holat yuzasidan prokuratura organlari tomonidan tekshiruv o‘tkazilmoqda.
Bosh prokuraturaning ma’lum qilishicha, Tergovga qadar tekshiruv natijasiga ko‘ra, 2022-yil 14-iyul kuni jinoyat protsessual qonunchiligiga binoan jinoyat ishi qo‘zg‘atish rad qilingan.
Mazkur qaror qonuniyligi Bosh prokuratura tomonidan nazorat tartibida o‘rganilib, bekor qilingan va 3-avgust kuni komissiyaviy sudga oid tibbiyot ekspertizasi tayinlangan.
Hozirda ekspertiza o‘tkazilmoqda.
Ijtimoiy tarmoqlarda ko‘p muhokamalarga sabab bo‘layotgan videotasvir 2022-yil 10-iyun kuni marhumaning murdasi sud-tibbiyot ekspertizasi tekshiruvlaridan olinib, turmush o‘rtog‘i tomonidan Toshkent shahri Yakkasaroy tumanidagi yashash joyiga avtomashinada olib kelingan vaqtda tasvirga olingan.
O‘rganishda, er turmush o‘rtog‘ining murdasini 2 kun mobaynida avtomashinasida olib yurganligi holati o‘z tasdig‘ini topmagan.
Tekshirish harakatlari Bosh prokuratura tomonidan nazoratga olingan.
Izoh (0)