Saudiyadagi ikki muqaddas masjidda keksa va imkoniyati cheklanganlarga yordam berish uchun ko‘ngillilar dasturi ishga tushirildi

Saudiya Arabistoni ikki muqaddas masjid ishlari bo‘yicha bosh boshqarmasi BMTning “Butunjahon gumanitar yordam kuni” munosabati bilan “Masjid xizmatchilari – insoniyat elchilari” dasturini ishga tushirdi.

Odatda, bunday ko‘ngilli insonlar ziyoratchilar uchun nogironlik aravachalarini bepul yetkazib berishadi va har dushanba va payshanba kunlari iftorlik tarqatishda ishtirok etadilar.

Boshqarmaning ijtimoiy, ko‘ngillilar va gumanitar masalalar bo‘yicha vakili Shayx Xolid bin Fahad al-Shalaviyning aytishicha, Saudiya Arabistoni butun dunyo bo‘ylab muhtojlarga yordam berish uchun o‘z hayotini xavf ostiga qo‘ygan ishchilar va ko‘ngillilarga hurmat bajo keltirish uchun “Jahon gumanitar yordam kunini nishonlamoqda”.

Shuningdek, bu yoshlarning ogohligini oshirib, yordam ishlariga jalb qilishga undaydi, deydi u.