Bugun,

  • USD 10940.05
  • RUB 182.26
  • EUR 11121.65

Buyuk Britaniya 19-avgust kuni nishonlanadigan Xalqaro gumanitar yordam kuni munosabati bilan Ukraina, Suriya va Sharqiy Afrikaga yordam uchun 36 million funt sterling (43 million dollar) yuboradi, deyiladi Buyuk Britaniya Tashqi ishlar vazirligi bayonotida.

Foto: Reuters

Foto: Reuters

Ushbu mablag‘ning taxminan 18,3 million dollari (15 million funt sterling) Polshadagi 200 mingga yaqin ukrainalik qochqinlarni va Ukrainaning o‘zida ichki ko‘chirilganlarni qo‘llab-quvvatlashga yo‘naltiriladi. Birinchi navbatda, mojaro tufayli doimiy yashash joyini tark etishga majbur bo‘lgan bolalar, nogironlar va qariyalarga yordam ko‘rsatish rejalashtirilgan.

Sharqiy Afrikaga biroz kamroq – 16,8 million dollar yoki 14 million funt sterling yuboriladi. Pul, Britaniya ma’lumotlariga ko‘ra, 48 millionga yaqin odam ochlikdan o‘lish xavfi ostida turgan Sudan, Efiopiya, Somali va boshqa davlatlarga yuboriladi.

Qolgan 7 million funt sterling (8,4 million dollar) ichki mojarolar tufayli qo‘shni Livanga qochib ketgan suriyalik qochqinlarga beriladi.

Tarqatilishdan oldin mablag‘ BMTning Jahon oziq-ovqat dasturiga o‘tkaziladi.

Buyuk Britaniya va boshqa davlatlar Kiyevga bir necha bor gumanitar va harbiy yordam yetkazgan. Iyun oyidagi hisob-kitoblarga ko‘ra, uning umumiy hajmi 75 milliard dollardan oshgan, bu Ukraina davlat budjetining yillik daromadidan 1,6 baravar ko‘p.

Iyun oyida Jahon sog‘liqni saqlash tashkiloti (JSST) Sharqiy Afrika mamlakatlari so‘nggi 40 yildagi eng kuchli qurg‘oqchilik tufayli ocharchilikka duch kelishi mumkinligi haqida ogohlantirgan edi. Ushbu hodisaning oqibatlari mahalliy qurolli to‘qnashuvlar, koronavirus pandemiyasi va chigirtkalar bostirib kirishi, shuningdek, Ukrainadagi vaziyat tufayli yanada og‘irlashmoqda, deya ta’kidlagan tashkilot.

Izoh
Asosiy yangiliklar
Mahalliy
O‘zbekistonliklar sayohat uchun ko‘proq qaysi davlatlarga borayotgani ma’lum qilindi
Dunyo
Ijevskdagi maktabda yuz bergan otishma qurbonlari soni 17 kishiga yetdi
Sport
Millatlar Ligasida uchinchi yarim finalchi nomi ma’lum bo‘ldi