Bugun,

  • USD 11014.01
  • RUB 191.8
  • EUR 10674.78

“Manchester Yunayted” sobiq futbolchisi Gari Nevill jamoaning so‘nggi yillardagi transfer siyosatini keskin tanqid ostiga oldi.

Foto: Getty Images

Foto: Getty Images
Klubning so‘nggi 10 yildagi muammolaridan biri shundaki, ular strategiyadan voz kechib, murabbiylarni o‘zgartirib, futbolchilarni tanlashni nazorat qilishiga ruxsat berib qo‘ydi.

Bu jiddiy muammo. 10 yil davomida klub transferlarga 1,2 milliard funt sterling sarfladi, xarajatlarning 75 foizi muvaffaqiyatsizlikka uchradi, faqatgina 5 foizi foydali bo‘ldi. Yana 20 foizi na u yoqlik, na bu yoqlik. Transferlar nuqtayi nazaridan qarasa, dahshatli ko‘rsatkich.

Undan tashqari futbolchilarni ayblash uchun doim sabab topilardi va biz buni ko‘p yillar davomida bajarib keldik.

Ko‘pchilik qatori men ham o‘tgan yili Varan, Sancho va Ronaldu xarid qilinganidan xursand bo‘lgandim. Di Mariya kelgandi, barchamiz: “O, u juda yaxshi transfer bo‘ldi”, — degandik.

Biroq amalda klub futbolchilar uchun qabristonga aylandi. O‘yinchilar endi bu yerga kelish-kelmaslik haqida bosh qotiradi. Klub futbolchilarni o‘ziga jalb qila olmayapti, akademiya esa yaxshi ishlamayapti.

Gari Nevill, futbol eksperti

Mankunianliklar Premyer Liganing 1-turida “Brayton”ga, 2-turda “Brentford”ga qarshi o‘yinda mag‘lubiyatga uchradi va musobaqa jadvalida 20-o‘rinda bormoqda.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Sport
Superligada sentabr oyining eng yaxshi murabbiyi aniqlandi
Mahalliy
Farg‘onada 64 yoshli qaynota kelinini o‘ldirib, marhumaning boshini uzib oldi