“Atletiko” hujumchisi Antuan Grizmann Ispaniya chempionatining 1-turidan o‘rin olgan “Xetafe”ga qarshi o‘yinda (3:0) gol urdi.
Shu tariqa fransiyalik futbolchi La Ligadagi golsiz seriyasiga barham berdi. Grizmann 2021-yil noyabr oyidan buyon chempionatda gol urmay kelayotgandi.
28-noyabr sanasida Antuan “Kadis” darvozasini ishg‘ol qilgandi, shundan keyin hujumchi ketma-ket 15 ta o‘yinda raqiblar darvozasi tomon yo‘l topa olmadi.
O‘tgan mavsumda 31 yoshli futbolchi La Ligada 26 o‘yinda ishtirok etib, 3 ta golga mualliflik qilgandi.
Mazkur o‘yinda Alvaro Morata dubl qayd etgan bo‘lsa, Joau Feliks uchta golli uzatmani o‘z hisobiga yozdirib qo‘ydi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)