“Manchester Siti” futbolchisi Benjamen Mendi ustidan sud jarayoni boshlandi, deya xabar qilmoqda ESPN.
“Shaharliklar” himoyachisiga jinsiy zo‘ravonlik bo‘yicha 8 ta, zo‘rlashga urinish bo‘yicha bitta ayblov qo‘yilgan. Benjamen barcha ayblovlarni rad etgan.
Prokuror Timoti Krey sud jarayonini ochar ekan, quyidagi gaplarni aytdi: “Ayblov oddiy. Buning futbolga umuman aloqasi yo‘q. Bu juda qadimgi hikoyaning yana bir bobi — erkaklar ayollarni zo‘rlaydi va jinsiy zo‘ravonlik qiladi, chunki ular o‘zlarini kuchli, bundan osongina qutulish mumkin deb hisoblaydi”.
Mendi do‘sti Lui Saa Matturi bilan birga sudlanmoqda, ayblovga ko‘ra, u futbolchining jinsiy jinoyatlariga sherik bo‘lgan.
“Ayblanuvchilarning birgalikda qilgan harakatlari ular ov qilgan ayollarga nisbatan befarqligidan dalolat beradi. Ularning fikricha, uylariga olib kelgan ayollar faqat jinsiy aloqa uchungina kerak bo‘lgan.
Masalaning mohiyati shundaki, sudlanuvchilarning ushbu 13 nafar ayolga nisbatan ta’qibi ularni og‘ir jinoyat sodir etishga tayyor qiladigan yirtqichga aylantirgan. Ular yo‘q deb javob bermaydi va sud ham ularni qayta-qayta eshitadi”, — deydi Krey.
Sud jarayoni 15 haftagacha cho‘zilishi kutilmoqda. Gumonlanuvchilar garov evaziga ozod etilgan.
Mendi so‘nggi bor 2021-yil 15-avgust kuni maydonga tushgan edi.
Izoh (0)