Bugun,

  • USD 11095.31
  • RUB 173.84
  • EUR 10772.44

Qirolicha Yelizaveta II 96 yosh bo‘lishiga qaramay chiroyli ko‘rinishga ega. So‘nggi yillarda u o‘z vazifalaridan voz kechishni xayoliga ham keltirmagan, muntazam ravishda tadbir va yig‘ilishlarda qatnashgan. Uning uzoq umr ko‘rish sirlaridan biri to‘g‘ri ovqatlanish tartibi. Quyida Yelizaveta II ning ovqatlanish tartibi haqida ma’lumot beriladi.

Birinchi nonushta

Foto: Grazia

Foto: Grazia

Qirolicha kunni bir stakan shakarsiz issiq Erl Grey choyi bilan boshlaydi. Unga har doim choy bilan birga shokoladli pechenye beriladi.

Ikkinchi nonushta

Suvli protseduradan keyin qirolicha kiyinib, avvalgisiga qaraganda ancha to‘yimli bo‘lgan rasmiy nonushtasiga o‘tadi. U ikkinchi nonushtani yormadan boshlashni afzal ko‘radi, ba’zida tost va marmelad iste’mol qiladi. Qizig‘i shundaki, uning nonushta dasturxoniga kamdan kam hollarda tuxum qo‘yiladi.

Tushlik

Foto: Grazia

Foto: Grazia

Qirolicha Yelizaveta II tushlik uchun qovurilgan baliq, ismaloq va qovoq kabi yuqori proteinli, kam uglevodli taomlarni tanlaydi. U qovurilgan tovuqli salatni ham yaxshi ko‘radi. Shunisi e’tiborga loyiqki, oshpazlar asosan qirollik mulkida yetishtiriladigan organik mahsulotlardan foydalanadi.

Peshindan keyingi choy

Tushlikdan keyingi ovqatlanishda Yelizaveta II har doim pishloqli, bodringli sendvichlar yoki mevali pirog bilan choy ichadi. Qirolicha bolaligida nonga sariyog‘ va qulupnay murabbosini surib yeyishni yaxshi ko‘rgan.

Kechki ovqat

Foto: Grazia

Foto: Grazia

Qirollikning sobiq oshpazi Darren Makgredining so‘zlariga ko‘ra, Yelizaveta II kechki ovqat uchun sabzavotli salat bilan qovurilgan yoki qaynatilgan baliq yeydi. U kechki ovqatda tarkibida kraxmal bo‘lmagan mahsulotlarni iste’mol qiladi.

Yelizaveta II vaqti-vaqti bilan qaymoqli steyk va qo‘ziqorin sousidan iborat taomlarni tanovul qilib turadi.

Desert

Ko‘pincha qirolicha shirinlik sifatida o‘z bog‘ida yetishtirilgan rezavor mevalarni, ba’zida shokoladli shirinliklarni iste’mol qiladi. Yelizaveta II sut va oq shokoladni iste’mol qilishdan qochadi, faqat qora shokolad tanovul qiladi.

Qirolicha nimani iste’mol qilmaydi?

Yelizaveta II hech qachon sarimsoq solingan taom yemaydi. Ushbu mahsulotni qirollik oshxonasida ishlatish ham taqiqlangan.

Mavzuga doir:

Izoh
Asosiy yangiliklar
Iqtisodiyot
Korrupsiya darajasi, iqtisodiy erkinlik indeksi: O‘zbekistonning xalqaro reytinglardagi o‘rni qanday o‘zgarmoqda?
Dunyo
AQSH Yelsinning Ukraina haqidagi bayonotini maxfiylikdan chiqardi
Iqtisodiyot
O‘zbekistonda frilanserlik: ular qancha maosh oladi va nega ko‘paymoqda?