Aktrisa Zinnura nomaqbul takliflar tufayli 60 ta kastingga borishga majbur bo‘lgani, kinodagi faoliyatini to‘xtatgani hamda oylik daromadi haqida (video)

“Jurnalist” serialidagi obrazi orqali tanilgan aktrisa Zinnura ehtiyojlariga sarflayotgan mablag‘ni qayerdan olishi, nomaqbul rollarga rozi bo‘lmay, 60 ta kastingga borgani, oyiga qancha topishi va sarflashi haqida gapirdi.

Aktrisalik faoliyatini to‘xtatgan Zinnura ehtiyojlariga sarflayotgan pulni qayerdan olishi haqida 

“Aktrisalikdan ham uncha pul topib bo‘lmaydi, gonorar yo‘q. Men gonorar olaman, biroq juda kam, boshida gonorar berishmas edi, bir yildan oshdi, seriallarga, suratga olish jarayonlariga gonorarga chiqyapman. Narx juda past bo‘lgani sababli men to‘y sistemasiga kirib ketdim. Yo‘qchilik, qiyinchilik qiynagandan keyin to‘ylarga chiqadigan bo‘ldim, ya’ni chaqaloq olib chiqish, challari, ‘Adasi’ deb qo‘shiq aytganman, ayollar turmush o‘rtog‘ini tabriklash uchun o‘n ikkida chaqirishadi. Tadbirlarga kirib oldim, asosiy tirikchiligim shundan. Hozir esa aktrisalik faoliyatimga ozgina tanaffus bermoqchiman. Orzular, maqsadlar kattalashgani sari aktrisalikni to‘xtatib, xonandalikda o‘zimni sinab ko‘rmoqchiman. Televideniyeda bo‘lmasa ham, nasib qilsa televideniyeda ham chiqararman, YouTube’da o‘zimning yaxshi-yaxshi taronalarimni chiqarib, muxlislarimga taqdim qilmoqchiman”, — deydi aktrisa.

Nomaqbul rollarga rozi bo‘lmay, 60 ta kastingga borgani 

“Nomaqbul rollarni taklif qilgan insonlarning hozir ishi ham, ijodi ham yo‘q. Ularning niyati g‘araz bo‘lgani uchun omadi ham kelmagan. Shuning uchun ularni yo‘q deb bilaman. Shunday takliflar bo‘lavergani uchun ham men 60 ta kastingga borishga majbur bo‘lganman. Umuman rozi bo‘lmaganman bu narsaga, taklif bo‘lgan. Hattoki ismi ham esimda yo‘q, lekin pul so‘rashgan yoki nojo‘ya takliflar bildirishgan”, — deydi Zinnura.

Zinnura oyiga qancha pul topishi va sarflashi haqida

“Aniq qancha topishimni bilmayman, topgan pulimni ishlatib tashlayman. Masalan, oyiga 1000 dollar topsam, uni ham ishlataman, yig‘a olmayman. Bitta gap o‘ynayman va shunga 400 dollardan ajrataman, bo‘ldi. Qolgan pulimni kiyimga, oziq-ovqatga, benzinga, farzandimning bog‘chasiga sarflayman”, — deydi aktrisa.

Mavzuga doir: Instagram: Onasiga 4 xonali uy sovg‘a qilgan Ozod Xurramov, “Bravo”chi Otabek va Dilshod Mirzamurotov janjali, Ahad Qayumga “tashlangan” Zinnura.