Bugun,

  • USD 11014.01
  • RUB 191.8
  • EUR 10674.78

Aktyor, rejissor Aziz Rametov “Sevimli” telekanalining “Mashhurlar” ko‘rsatuviga bergan intervyusida san’atni tark etgan hamkasblariga munosabati, nima sababdan kinolarda ko‘rinmay qolgani, Shohruxxonning uyida yetti yil Yangi yil bayramini kutgani, xonandani ranjitgani, hayotda nimadan qo‘rqishi haqida gapirdi.

Aziz Rametov san’atni tark etgan hamkasblari haqida

“Ruhiy holatiga to‘g‘ri kelgan ishni ular afzal bilishdi. Ammo biz bu kemaga chiqdikmi, dengizda birga suzyapmiz. Mening ham kinodan ketish niyatim yo‘q emas. Shu gapni o‘zimga aytganimda kino xuddi menga sen hali kinoga kirdingmi degandek bo‘ldi.

Xayolan kino bilan suhbat quraman. Kino, men sendan ketaman deganimda, sen o‘zi kinoga kirdingmi, Aziz nima qilding o‘zi degan sado keldi. Xo‘p, u hozirgi kundagi vayn edi, kino emas. Bugun bor, ertaga yo‘q. Kinoaktyorlar oxirgi nafasigacha kino olamida o‘zini to‘g‘ri yo‘nalishda olib ketadi.

To‘g‘ri yo‘nalish deganimda hamma o‘ziga kerakli narsani tushunadi. Shuning uchun ham katta kino olamiga kirganlar keta olmaydi. Katta kino deganimni tomoshabinlarning o‘zi tushunadi. Katta kino olami bu hayot, qaysi obrazda ko‘rinsang ham sen aktyor bo‘lib qolasan.

Bugun boshingga ‘kepka’ kiyib chiqsang ham, ertaga belingga belbog‘ bog‘lab chiqsang ham aktyorsan, ochig‘ini aytganda sen oratorsan, bastakorsan, hofizsan. Shuning uchun bu katta maydonda men ketdim degan so‘zni ishlatish noo‘rin”, — deydi aktyor.

Foto: Instagram / @azizrametov_official

Foto: Instagram / @azizrametov_official

Aktyor nima sababdan kinolarda ko‘rinish bermayapti?

“Bu vaqt davomida ko‘proq kinolarga e’tibor berdim, sababi kinoda bir yarim soatda tushuntiradigan gapimizni bir yarim daqiqada tushuntirish mumkin ekan. Ustozlarimizdan bu narsani eshitdik, o‘rgandik, ularga rahmat deyman. Shuning uchun mening gapim shu, o‘tirib gapi boshqa, amali boshqa deyishlari mumkin. Ilohim amalgacha yetib boray, bugun shu gapni aytayapmanmi, albatta, amalgacha boraman. Kinolardan ko‘ra kliplarni afzal bilib qoldim”, — deydi Aziz Rametov.

Foto: “Yandeks.ru”

Foto: “Yandeks.ru”

San’atdagi yaqin do‘sti — Shohruxxonni ranjitgani haqida

“Ikkita yaqin do‘stimni yo‘qotganman. Juda qalin do‘stlarim bo‘lgan. Ikkalasiga ham men nohaqlik qilganman. Birinchisi xonanda Shohruxxon, u ham do‘stim, akam, ulfatim, qadrdonim, unga ham nohaqlik qilganman. O‘shanda ham meni kechirgan, u juda ham mard inson.

Ikkinchisi Sheroz, unga ham nohaqlik qilganman. Hayot shuncha ko‘zimni ochsa ham, qayta-qayta shu ishni qilganman va ularning dilini og‘ritganman. Men bu orqali kechirim so‘ramoqchi emasman, lekin uzr so‘rasam ham, bari-bir dili ozor chekib bo‘lgan, uni ortga qaytarib bo‘lmaydi. Har kuni Allohdan so‘rayman, qandaydir amal bersa va ularning qalbiga yo‘l topib yana o‘sha iliqlik, ishonch qaytishini istayman. Bu dunyoda do‘stdan kelgan ozor yomon bo‘ladi va do‘stlik muhabbati kuchli narsa.

Men Shohruxxonning uyida yetti yil Yangi yil bayramini kutganman. Do‘stlarimdan, ustozlarimdan kechirim so‘rayman, boshqa bu ishni qaytarmayman”, — deydi aktyor.

Aziz Rametov hayotda nimadan qo‘rqadi?

“Dushmanim menga do‘st bo‘lishidan qo‘rqaman. Dushman do‘st bo‘lsa, sizning hayotingiz to‘xtaydi. Dushman dushman bo‘lib qolishi kerak, shunda siz oldinga yura olasiz, do‘st ham do‘stligicha qolsin. Dushman do‘stga aylanmasin. U bari-bir ichingizga kirib sizni yeb boshlaydi. U bilan o‘yin bo‘laveradi, sizni kechirmaydi”, — deydi Aziz Rametov.

Mavzuga doir:

Izoh
Asosiy yangiliklar
Dunyo
Putin prezidentlikdan ketsa, uning lavozimiga kim da’vogarlik qilishi mumkinligi ma’lum qilindi
Mahalliy
Qashqadaryoda tuman elektr tarmoqlari korxonasi xodimi tok urishi oqibatida vafot etdi
Dunyo
Afg‘onistonda urush boshlagan AQSH, dispetcher xatoligi sabab qulagan samolyot va Putinning tug‘ilgan kunida o‘ldirilgan faol jurnalist. Kun xronologiyasida 7-okta...