Bugun,

  • USD 11014.01
  • RUB 191.8
  • EUR 10674.78

“Milliy tiklanish” demokratik partiyasi markaziy kengashi raisi Alisher Qodirov O‘zbekiston fuqarolari boshqa davlatning harbiy harakatiga yollangan taqdirda, ularning vatanga qaytishini umrbod taqiqlash kerakligini aytdi.

“Bunday shaxslarni yollanish rasmiylashtirilgan kundan e’tiboran fuqaroligini bekor qilish va O‘zbekistonga kirishini umrbod taqiqlash kerak”, — deb yozgan u Telegram-kanalida.

O‘zbekiston Jinoyat kodeksining 154-moddasi (yollanish)da, xorijiy davlat hududidagi qurolli mojarolarda yoki harbiy harakatlarda qonunga xilof ravishda qatnashganlik uchun 5 yildan 10 yilgacha ozodlikdan mahrum qilish jazosi belgilangan. Alisher Qodirovning so‘zlariga ko‘ra, bu ta’sirsiz choradir. Qonunchilik palatasi spikeri o‘rinbosarining bildirishicha, qonunga tegishli o’zgartirish kiritish masalasida maslahatlashuvlar boshlandi.

Eslatib o‘tamiz, Rossiyaning Perm shahridagi o‘zbek diasporasi Ukraina bilan urushda Rossiyani qo‘llab-quvvatlovchi Amir Temur nomidagi batalyonni tuzdi. “Permdagi O‘rta Osiyo o‘zbeklari jamiyati” qurultoyida uning rahbari Jahongir Jalolov Rossiyaning Ukrainani demilitarizatsiya qilish va denaziyalashtirish bo‘yicha maxsus harbiy operatsiyasini qo‘llab-quvvatlash kerakligini ta’kidlagan.

Tashqi mehnat migratsiyasi agentligi holatga munosabat bildirib, O‘zbekiston fuqarolaridan bunday da’vatlarga ergashmaslikni, ziddiyatli hududlarga bormaslikni va harbiy harakatlarda ishtirok etmaslikni so‘radi.

O‘zbekistonning Rossiyadagi elchixonasi ham vatandoshlarni xorijiy davlatlar hududida ko‘ngilli batalyonlar tuzish va yoki harbiy harakatlarda ishtirok etish bo‘yicha da’vatlarga berilmaslikka va ehtiyotkor bo‘lishga chaqirdi.

Izoh
Asosiy yangiliklar
Dunyo
Kreml Putin tug‘ilgan kunini qanday nishonlamoqchiligini ma’lum qildi
Sport
Superligada sentabr oyining eng yaxshi murabbiyi aniqlandi
Mahalliy
Farg‘onada 64 yoshli qaynota kelinini o‘ldirib, marhumaning boshini uzib oldi