AQSH Davlat kotibi Entoni Blinken, Avstraliya tashqi ishlar vaziri Penni Vong va Yaponiya tashqi ishlar vaziri Yosimasa Xayashi AQSH Vakillar palatasi spikeri Nensi Pelosining Tayvanga tashrifi munosabati bilan Xitoy tomonidan amalga oshirilayotgan harakatlardan xavotir bildirdi va Pekinni harbiy manyovrlarni zudlik bilan to‘xtatishga chaqirdi. Bu haqda tashqi ishlar idoralari rahbarlarining Kambojadagi ASEAN sammiti doirasidagi muzokaralar yakunlari bo‘yicha qo‘shma bayonotida aytiladi, deb xabar bermoqda “RBK” nashri.
Foto: “IA Krasnaya Vesna”
Davlat kotibi va vazirlar Tayvan bo‘g‘ozida tinchlik va barqarorlikni saqlashga sodiq ekanini yana bir bor tasdiqladi. Ular Xitoyning so‘nggi harakatlari, jumladan, xalqaro tinchlik va barqarorlikka jiddiy ta’sir ko‘rsatayotgan keng ko‘lamli harbiy mashqlaridan xavotirini bildirdi. Davlat kotibi va vazirlar XXRni harbiy mashg‘ulotlarni zudlik bilan to‘xtatishga chaqirdi, — deyiladi bayonotda.Shu bilan birgalikda, AQSH harbiy qo‘mondonligi vakillari Tayvan atrofida keskinlik avj olgan bir paytda xitoylik hamkasblari bilan bir necha bor bog‘lanishga uringan, biroq ular qo‘ng‘iroqlarga javob bermaslikda davom etmoqda.
Mavzuga doir: Tayvan Tashqi ishlar vazirligi Xitoyni provokatsion mashg‘ulotlar qilishda aybladi
Izoh (0)