Bugun,

  • USD 10920.28
  • RUB 177.49
  • EUR 11052.42

Buyuk Britaniyada Temza daryosining Glostershir grafligidagi manbai qurib, oqim bo‘yicha 8 km pastga tushib qoldi. Bu haqda The Guardian gazetasi Britaniyaning The Rivers Trust xayriya tashkiloti eksperti Rob Kollinzga tayanib xabar berdi.

Foto: Getty Images

“Uzoq davom etgan qurg‘oqchil havodan keyin Temzaning Glostershirdagi manbai qurib qoldi va hozir yo‘nalish bo‘ylab 5 mil pastroqda kuchsiz oqim bilinar-bilinmas bo‘lib ko‘rinyapti”, — dedi Kollinz va iqlim o‘zgarishi tufayli qurg‘oqchil davrlar ko‘payib borayotgani, bu esa suv yetishmovchiligiga sabab bo‘lib, “yo‘qolib borayotgan resurslar uchun raqobat kuchayishi hamda suv florasi va faunasi uchun halokatli oqibatlarga olib kelishi” haqida ogohlantirdi.

Temza daryosining uzunligi qariyb 350 kilometrga teng, u Buyuk Britaniyada Severn daryosidan keyingi ikkinchi eng uzun daryo hisoblanadi. Angliya g‘arbidagi Glostershir grafligidan boshlanib, sakkizta graflik, shuningdek, London hududidan oqib o‘tadi va Shimoliy dengizga borib quyiladi.

Iyul oyida Yevropa mamlakatlarida rekord darajadagi jazirama kuchaydi. Chunonchi, 19-iyul kuni Buyuk Britaniyada kuzatuvlar tarixidagi eng yuqori harorat qayd etildi: poytaxtdagi Xitrou aeroporti yaqinidagi harorat Selsiy bo‘yicha 40,2 darajaga teng bo‘ldi. Bunday ob-havo bir nechta mamlakatlarda yong‘inlarga va suv havzalari qurib qolishiga sabab bo‘ldi.

Izoh
Asosiy yangiliklar
Mahalliy
Andijonda bank xodimlari bankomatlarga joylashtirish uchun ajratilgan 111 mln so‘mni o‘zlashtirgani aniqlandi
Mahalliy
O‘zbekistonda magistraturada o‘qiyotgan xotin-qizlarning kontrakt to‘lovini qoplab berish tartibi belgilandi
Mahalliy
Toshkentdagi klinikada janjal ko‘targan opa-singilga sud hukmi o‘qildi