Ukraina prezidenti Vladimir Zelenskiy Yevropa Ittifoqini mamlakatga 8 milliard yevro miqdorida moliyaviy yordamni “sun’iy ravishda kechiktirayotganlik”da aybladi. Bu haqda u Telegram’dagi murojaatida ma’lum qildi.
Ukraina uchun 8 milliard yevro yordam hanuz imillamoqda. Davlatimiz uchun makromoliyaviy yordamni sun’iy ravishda kechiktirish esa yo jinoyat, yoki xato. Bularning qay biri yomonroq ekanini aytish qiyin”, — dedi davlat rahbari.Zelenskiy oddiy ukrainaliklarni Yevropa Ittifoqi rahbarlarining “qat’iyatsizligi yoki byurokratiyasi” garoviga tashlamaslikka chaqirdi. U Yevropaning aynan qaysi davlati Kiyevga yordam ko‘rsatishni kechiktirayotganini ochiqlamadi va “buni hali tuzatsa bo‘ladigan xato” deb hisoblashini ta’kidladi.
Iyun oyi oxirida YI davlatlari Ukrainaga 9 milliard yevro miqdorida qo‘shimcha moliyaviy yordam ko‘rsatishni ma’qullagan edi. Bryussel mablag‘ni joriy yilda o‘tkazmoqchi edi. Biroq, keyinroq Ukraina moliya vaziri Sergey Marchenko Corriere della Sera gazetasiga bergan intervyusida ayrim davlatlar “Ukrainani bunday miqdorda qo‘llab-quvvatlashga tayyor emasligini” aytdi.
Yevropa Ittifoqi Ukrainaga 9 milliard yevro miqdorida moliyaviy yordam berishga kelishib oldi, ammo ayni paytda nimani ko‘ryapmiz? Ehtimol, bu oy bir milliard o‘tkazilar. Keyin uzilish bo‘lishi mumkin: Yevropa Ittifoqi hukumatlari o‘rtasida kelishuv yo‘q”, — dedi u.Corriere della Sera manbalariga tayanib, Ukrainaga 9 milliard yevrolik yordam paketi berilishiga Germaniya to‘sqinlik qilayotganini yozdi. Germaniya moliya vaziri Kristian Lindner Bryusselning Kiyev manfaati uchun umumyevropa qarziga murojaat qilayotganidan norozi va faqat 1 milliard yevrolik birinchi ulush ajratilishiga rozi bo‘lgan, deb yozadi nashr.
Izoh (0)