Futbol bo‘yicha Fransiya Superkubogi doirasidagi o‘yin 31-iyul, yakshanba kuni bo‘lib o‘tdi.
Unda “PSJ” va “Nant” jamoalari o‘zaro bahs olib bordi. Uchrashuvning 22-daqiqasida Lionel Messi hisobni ochgan bo‘lsa, birinchi bo‘lim yakunlanishi arafasida Neymar jarima zarbasini golga aylantirdi.
57-daqiqada Serxio Ramos hisobni yirik ko‘rinishga olib keldi. Uchrashuvning 81-daqiqasida “Nant” vakili o‘z jarima maydonchasida Neymarni to‘xtatib qoldi, natijada hakam to‘g‘ridan to‘g‘ri qizil kartochka ko‘rsatdi va penalti belgiladi. 11 metrlik jarima zarbasini Neymar aniq ijro etib, yakuniy hisobni o‘rnatdi.
Shu tariqa “PSJ” 11-marta Fransiya Superkubogiga ega chiqdi.
Fransiya Superkubogi
31-iyul, yakshanba
“PSJ” — “Nant” 4:0
Gollar: 1:0 – 22 Messi, 2:0 – 45 Neymar, 3:0 – 57 Ramos, 4:0 – 82, penalti Neymar.“PSJ”: Donnarumma, Hakimi (Mukiyele, 78), Ramos, Markinyos, Kimpembe, Mendesh (Bernat, 68), Verratti (Paredes, 78), Vitinya (Danilu Pereyra, 68), Sarabiya (Kalimuendo, 84), Messi, Neymar.
“Nant”: Lafon, Pallua, Kastelletto, Jirotto, Appia (Fabio, 78), Sissoko, Chirivelya (Muhammad, 64), Blas, Koko (Mutussami, 64), Saymon, Gessan (Korshya, 78).
Ogohlantirishlar: Vitinya (16), Koko (38), Mutussami (75).
Chetlatish: Kastelletto (81).
Izoh (0)