CNN: Demokratlarning atigi 25 foizi Baydenning ikkinchi muddatga saylanishini istaydi

CNN o‘tkazgan so‘rovnomaga ko‘ra, respondentlarning 75 foizi 2024-yilda bo‘lib o‘tadigan saylovlarda prezident sifatida boshqa kishi saylanishini xohlagan. Shu bilan birga, ularning taxminan uchdan bir qismi Bayden Respublikachilar partiyasiga qarshi umuman g‘alaba qozona olmaydi, deb hisoblaydi. Bu haqda CNN xabar bermoqda.

Ma’lum qilinishicha, so‘rovnoma 22-24-iyul kunlari o‘tkazilgan bo‘lib, unda 1002 nafar odam ishtirok etgan.

Avvalroq senator Aleksey Pushkov AQSH prezidenti Bayden qanday sharoitlarda iste’foga chiqishi mumkinligini tushuntirgan edi. Pushkovning so‘zlariga ko‘ra, Bayden iste’foga chiqishi uchun huquqiy layoqatini butunlay yo‘qotishi kerak.

Shuningdek, Donald Tramp Vashingtondagi America First Policy Institute forumida so‘zlagan nutqi chog‘ida Demokratik partiya hukmronligi davrida Qo‘shma Shtatlar birin-ketin xo‘rliklarni boshdan kechirayotgani haqida aytib o‘tgan edi.

Mavzuga doir: Bayden AQSH prezidenti sifatida ilk bor Saudiya Arabistoniga tashrif buyurdi va jurnalist Qoshiqchini o‘ldirishga “buyruq bergan” valiahd shahzoda bilan uchrashdi