“Kommersant” nashrining xabar berishicha, AQSH 45-prezidenti Donald Tramp, Yevropa va Qo‘shma Shtatlarning Ukrainaga yuborayotgan mablag‘laridagi farqdan noroziligini bildirgan. Uning so‘zlariga ko‘ra, Yevropa Ittifoqi Ukrainaga Amerika bilan bir xil miqdorda yoki undanda ko‘proq sarmoya kiritishi lozim.
Biz Ukrainaga 60 milliard dollardan ko‘proq mablag‘ berdik. Ukrainaga bizdan ko‘ra ko‘proq xayrixohlik ta’sirini ko‘rsatayotgan Yevropa davlatlari esa bu miqdorning ozgina qismini ajratdi. Men borib: “Mana, siz bizdan ko‘ra ko‘proq pul tika olasiz”, deyishim mumkin edi. Va ular buni bajonidil qabul qilishardi ham. Ammo hozirda bizning 35 trillion dollar tashqi qarzimiz bor, muammolarimiz bor, degan Tramp Floridadagi talabalar konferensiyasida.Trampning aytishicha, agar u AQSH prezidentligida qolganida Ukrainada jangovar harakatlar boshlanmasdi.
Shuningdek, u amaldagi davlat rahbari Jo Bayden AQSHni “kambag‘al mamlakat”ga aylantirayotganini tanqid qildi. Uning fikricha, demokratlar boshqaruvidagi Vashington yordam so‘rashga majbur holatda.
AQSH Kongressi may oyida Ukrainaga 40 milliard dollar yordam ko‘rsatishni ma’qullagan. Pentagon hisob-kitoblariga ko‘ra, Jo Bayden prezidentligi davrida Kiyev Vashingtondan 8,2 milliard dollar harbiy yordam olgan. Kongress kerak bo‘lsa Ukrainaga yana qo‘shimcha yordam ko‘rsatishni qo‘llab-quvvatlaydi, deb hisoblaydi Oq uy.
Mavzuga doir: Tramp Bayden ma’muriyatining harakatlari jahon urushiga olib kelishi mumkinligidan ogohlantirdi
Izoh (0)