Bugun,

  • USD 10920.28
  • RUB 177.49
  • EUR 11052.42

Namangan viloyati Chust tumani hokimligi mansabdor shaxslari tomonidan noqonuniy hujjatlar asosida madaniy meros obyektini sotish va qayta qurishga ruxsat berilgani va oqibatda tarixiy yodgorlikka jiddiy zarar yetkazilgani aniqlandi. Bu haqda Madaniy meros agentligi xabar berdi.

Foto: Madaniy meros agentligi

Ushbu holat Vazirlar Mahkamasining madaniy merosni himoya qilish inspeksiyasi, Madaniy meros agentligi va Bosh prokuratura tomonidan mutasaddi idoralar bilan birgalikda o‘tkazilgan tekshiruv natijalariga ko‘ra aniqlangan.

Jumladan, Chust tumanining “Yangihayot” mahallasida joylashgan, madaniy meros yodgorligi hisoblangan, XX asr boshiga mansub “Abdumalik” masjidi 2018-yilda tuman hokimining qaroriga ko‘ra “hashar yo‘li bilan qurilgan, hozirda qarovsiz qolgan, egasi aniqlanmagan bino” degan sabab bilan Madaniy meros inspeksiyasi balansidan hokimiyat balansiga o‘tkazilgan.

Foto: Madaniy meros agentligi

So‘ngra tuman hokimligining tashabbusi bilan ushbu masjid binosi auksion savdolari orqali fuqaro T.A.ga 61 million so‘mga sotib yuborilgan. Tuman hokimi qarori bilan ushbu madaniy meros obyektini qayta qurishga noqonuniy ravishda ruxsat berilgan. Oqibatda fuqaro T.A. tomonidan “Abdumalik masjidi”ning 61,1 kvadrat metr shift qismi qaytadan ta’mirlanib, tusi o‘zgartirilgani sababli unga 806,5 million so‘m miqdorida jiddiy zarar yetkazilgan.

Foto: Madaniy meros agentligi

Tekshirish natijasiga ko‘ra, Chust tumani hokimligi mansabdor shaxslari va boshqalarga nisbatan jinoyat ishi qo‘zg‘atilib, tergov harakatlari olib borilmoqda.

Izoh
Asosiy yangiliklar
Shou-biznes
Kayli Jenner — 25 yoshda: chandig‘i bilan faxrlanadigan, fermer bo‘lishni orzu qiladigan sayyoradagi eng yosh milliarder qiz haqida qiziqarli ma’lumotlar
Sport
Rasman: Mahmud Murodov UFC 280 da jang qiladi
Mahalliy
O‘zbekistonda 13-avgust kuni kuzatiladigan ob-havo ma’lumoti