O‘zbekistonda dollarning rasmiy kursi qatorasiga yettinchi kun ko‘tarildi

Markaziy bank xorijiy valyutalarning o‘zbek so‘miga nisbatan 16-iyulda amalda bo‘ladigan qiymatini belgiladi.

Unga ko‘ra, dollarning rasmiy kursi 31,64 so‘mga ko‘tarilib, 10 981,93 so‘mni tashkil qildi. Yevro 28,49 so‘mga oshib, 11 030,25 so‘m bo‘ldi. Rubl 2,99 so‘mga yuqorilab, 190,74 so‘m bo‘ldi.

Bundan avval ushbu valyuta kursi ketma-ket olti kun ko‘tarilib, 10 950,29 so‘mni tashkil qilgandi.