Bugun,

  • USD 11095.31
  • RUB 173.84
  • EUR 10772.44

Butunjahon yadro assotsiatsiyasi (WNA) ma’lumotlariga ko‘ra, 2021-yilda tabiiy uran ishlab chiqaruvchi mamlakatlar reytingida O‘zbekiston beshinchi o‘rinni egallagan

Foto: Shutterstock

Foto: Shutterstock

2021-yil O‘zbekistonda qazib olingan uran hajmi 2020-yilgi ko‘rsatkichda saqlanib qolgan — 3 500 tonna (2018-yilda 3 445 tonna). 

Kitco nashrining yozishicha, qazib olingan uran mamlakatda qayta ishlanmaydi va to‘liq hajmda boshqa mamlakatlarga eksport qilinadi.

2021-yilda ishlab chiqarilgan jami uranning eng katta ulushi (dunyo bo‘yicha yalpi taklifning 45 foizi) Qozog‘iston hissasiga to‘g‘ri kelgan — 19,5 ming tonna. 

Keyingi o‘rinlarni Namibiya (5,7 ming tonna), Kanada (4,6 ming tonna) va Avstraliya (4,1 ming tonna) band etgan.

2021-yilda dunyo miqyosida uran ishlab chiqarish hajmi 2020-yilga nisbatan 1 foizga oshib, 48,3 ming tonnani tashkil etgan. 

WNA ma’lum qilishicha, 2021-yilda ishlab chiqarilgan uran global miqyosdagi talabning bor-yo‘g‘i 77 foiz qismini qoplagan.

Dunyo bo‘ylab tabiiy uran zaxiralari 6,14 million tonna hajmida baholanadi. Shundan 28 foiz qismi Avstraliya, 15 foiz qismi — Qozog‘iston va 9 foiz qismi Kanada hissasiga to‘g‘ri keladi.

Keyingi o‘rinlarda Rossiya hamda Namibiya, uran zaxiralarining mos ravishda 8 foiz va 7 foiz qismiga egalik qiladi. 

O‘zbekiston 132,3 ming tonnalik (dunyo zaxirasining 2 foiz qismi) zaxiralari bilan dunyo bo‘yicha 11-o‘rinda turadi.

Avvalroq AQSH O‘zbekiston va boshqa davlatlardan uran sotib olishni to‘xtatishi mumkinligi haqida xabar berilgandi.

Izoh
Asosiy yangiliklar
Dunyo
Foto: Zarbalardan keyin chiroqsiz qolgan Ukrainaning koinotdan ko‘rinishi
Mahalliy
Andijonda Isuzu va yuk mashinasi to‘qnashishi oqibatida 41 kishi jarohatlandi, 3 nafari voqea joyida halok bo‘lgan
Dunyo
Sena daryosi bo‘ylab sayr: turli-tuman qiyofalar va mashhur tarixiy obidalar — suratlarda