Bugun,

  • USD 11014.01
  • RUB 191.8
  • EUR 10674.78

Inson necha yosh bo‘lmasin, ota-onadan ayrilish og‘ir musibat. Biroq hayot davom etadi. Taqdir taqozosi bilan ota-onasidan erta ayrilgan mashhurlarning farzandlari bugungi kunda nimalar bilan band? Quyida shu haqda so‘z boradi.

Alisher Hamroyev

Foto: A.Hamroyev oila a’zolarining shaxsiy arxividan

Foto: A.Hamroyev oila a’zolarining shaxsiy arxividan

“Yodgor” filmi orqali minglab tomoshabinlar mehrini qozongan aktyor Alisher Hamroyevning ikki nafar farzandi bor. Ayni kunlarda Madina ingliz filologiyasi bo‘yicha tahsil olyapti. U universitetda 3-kurs bo‘lish bilan birga o‘quv markazida ham ishlaydi. Aktyorning o‘g‘li Iskandar esa universitetga kirishga tayyorgarlik ko‘rmoqda. Otasi va onasidan erta ayrilgan Madina va Iskandar xolasining qaramog‘ida tarbiyalanmoqda.

Foto: “Daryo”

Foto: “Daryo”

Zokir O‘rmonov

Foto: Z.O‘rmonov oila a’zolarining shaxsiy arxividan

Foto: Z.O‘rmonov oila a’zolarining shaxsiy arxividan

“Charxpalak” serialidagi roli bilan yaxshi tanish bo‘lgan aktyor Zokir O‘rmonov saraton xastaligi sabab vafot etgan. Undan Muhammadjon va Samir ismli o‘g‘illar qoldi. Samir 22 yoshda — u Moskva davlat texnologiyalar va boshqaruv universitetida tahsil olyapti. 19 yoshni qarshilagan Muhammadjon esa universitetga kirishga tayyorgarlik ko‘rmoqda.

Foto: Z.O‘rmonov oila a’zolarining shaxsiy arxividan

Foto: Z.O‘rmonov oila a’zolarining shaxsiy arxividan

Shahnozabonu

Foto: “Daryo”

Foto: “Daryo”

42 yoshida olamdan o‘tgan xonanda Shahnozabonuning yolg‘izgina qizi bor. Umidaxon Yo‘ldosheva onasining tavsiyasiga ko‘ra sartaroshlik kasbini egallagan. Umidaxon oilali, uning 4 yoshli Amirbek ismli o‘g‘li bor.

Fathulla Mas’udov

Foto: Instagram

Foto: Instagram

O‘zbekistonda xizmat ko‘rsatgan artist, marhum ijodkor Fathulla Mas’udovdan ham uch farzand qolgan. To‘ng‘ich farzandi Gulnoza farzandlar tarbiyasi bilan band. O‘g‘li Ulug‘bek (Habibulloh) esa bir necha yildan buyon kichik tadbirkorlik bilan shug‘ullanadi. Kenjatoyi Abdulloh esa O‘zbekiston davlat drama teatrida aktyor sifatida faoliyat yuritadi. Ayrim sabablarga ko‘ra, u otasi rahbarlik qilgan O‘zbek Milliy akademik drama teatrida faoliyat yuritolmadi.

Foto: Instagram / @_abdullohfathullayevich

Foto: Instagram / @_abdullohfathullayevich

Mo‘min Oripov 

Foto: Instagram

Foto: Instagram

“Bojalar” guruhining a’zosi Mo‘min Oripov 25 yoshida hayotdan ko‘z yumgan. Uning o‘limiga Surxondaryodagi avtohalokat sabab bo‘lgan. Ijodkor vafot etganida o‘g‘li Bilolxo‘ja bir yashar bolakay edi. U ayni damda maktabni tamomlash arafasida. Onasi Kamola Oripova turmushga chiqqan. Uning ikkinchi turmushidan Maryamxon va Nuraniya ismli qizlari bor.

Foto: Instagram / @kamolaoripovabmk

Foto: Instagram / @kamolaoripovabmk

Shuhrat Nuraliyev

Foto: Instagram / @shuhratnur

Foto: Instagram / @shuhratnur

Komik aktyor Shuhrat Nuraliyev xastalik sabab 37 yoshida vafot etgan. Uning Maftuna, Umarjon va Sarviniso ismli farzandlari bor. 19 yoshni qarshilagan Maftuna yetkazib berish xizmati sohasida faoliyat yuritadi.

Foto: SH.Nuraliyev oila a’zolarining arxividan

Foto: SH.Nuraliyev oila a’zolarining arxividan

O‘g‘li Umarjon esa 17 yoshda, sportga qiziqadi. Ayni kunlarda u sport sohasi bo‘yicha institutda o‘qishga tayyorgarlik ko‘rmoqda. Qizi Sarviniso esa 16 yoshda va maktabda tahsil olmoqda.

Foto: SH.Nuraliyev oila a’zolarining arxividan

Foto: SH.Nuraliyev oila a’zolarining arxividan

Mirza Azizov

Foto: Mirza Azizovning oila a’zolari arxividan

Foto: Mirza Azizovning oila a’zolari arxividan

O‘zbekiston xalq artisti Mirza Azizov 2021-yili koronavirus sabab vafot etgan. Uning bir o‘g‘il va bir qiz farzandi bor. O‘g‘li Azizxon tadbirkor. Qizi Mahzunaxon esa uy bekasi.

Foto: M.Azizov oila a’zolarining arxividan

Foto: M.Azizov oila a’zolarining arxividan

Rahmatilla Mirzayev

Foto: Instagram

Foto: Instagram

Marhum suxandon Rahmatilla Mirzayev va xonanda A’lo Rahimovaning nikohidan yolg‘iz qiz farzandi bor. Shodiyabegim Mirzayeva 19 yoshda va u Turkiyadagi Nishantashi universitetining Sahna san’ati fakultetida tahsil oladi.

Foto: Instagram / @aloraximova_singer

Foto: Instagram / @aloraximova_singer

Abdurayim Abduvahobov

Foto: A.Abduvahhobov oila a’zolarining arxividan.

Foto: A.Abduvahhobov oila a’zolarining arxividan.

O‘zbekistonda xizmat ko‘rsatgan artist Abdurayim Abduvahobov rafiqasi Gulnora opa bilan uch farzandni voyaga yetkazdi. Katta o‘g‘li Abduqahhor “O‘zbekfilm”da faoliyat yuritadi. Kichik o‘g‘li Abdujabbor esa “Obodonlashtirish bosh boshqarmasi”da muhandis bo‘lib ishlaydi. Qizi Dildoraxon esa farzandlar tarbiyasi bilan band.

Aziza Niyozmetova

Foto: Instagram

Foto: Instagram

Saraton xastaligi sabab 46 yoshida vafot etgan xonanda Aziza Niyozmetova o‘z intervyularida 6 farzandning onasi ekanligini va ularning to‘rttasini o‘zi dunyoga keltirganini aytardi. Xonandaning to‘ng‘ich farzandlari Nilufar va Miraziz Nazariylar ancha ulg‘ayib qolgan va hali voyaga yetmagan singillariga g‘amxo‘rlik qiladi. Ular onasining o‘limidan keyin tadbirkorlik ishlarini davom ettirishga astoydil bel bog‘ladi.

Foto: “Daryo”

Foto: “Daryo”

Nilufar Nazariyning yolg‘iz o‘g‘li bor. Miraziz Nazariy esa 2021-yil oila qurdi. Xonandaning uchinchi farzandi Diyora maktabni tamomladi. Ikki yoshida onasidan yetim qolgan Madina esa olti yoshga to‘ldi va maktabga chiqishga tayyorgarlik ko‘rmoqda.

Foto: Instagram

Foto: Instagram

Izoh
Asosiy yangiliklar
Iqtisodiyot
Jahon banki dunyo 2030-yilga borib o‘ta qashshoqlikni bartaraf eta olmasligini ma’lum qildi
Mahalliy
Andijonda muqaddam uch marta sudlangan 42 yoshli erkak boshqa fuqaroni pichoqlab o‘ldirdi
Dunyo
Shimoliy Koreya o‘zining raketa sinovlarini AQSH va Janubiy Koreya mashg‘ulotlariga “adolatli javob” deb atadi