Bugun,

  • USD 10940.05
  • RUB 182.26
  • EUR 11121.65

Liviya sharqidagi Tobruk shahrida mamlakatda elektr energiyasi o‘chirilishi va yashash sharoitlari yomonlashishiga qarshi namoyishga chiqqanlar parlament binosini shturm bilan egalladi va yoqib yubordi, deb yozadi “RBK”.

Foto: Reuters

Foto: Reuters

Libya News Agency ma’lumotlariga ko‘ra, namoyishchilar bino ichidagi rasmiy hujjatlarga, kabinetlarga va qabulxona zallariga o‘t qo‘ygan.

Bundan tashqari, namoyishlar Tripolida ham bo‘lib o‘tdi. Aksiyalar ishtirokchilari mahalliy hukumat organlarini tarqatib yuborish, prezident va parlament saylovlarini o‘tkazish, shuningdek, elektr energiyasi bilan bog‘liq inqirozni tartibga solishni talab qilmoqda.

Siyosiy beqarorlik Liviyada 2011-yilda Muammar Qaddafiy hokimiyatdan ag‘darilib, o‘ldirilganidan buyon kuzatilmoqda. Mamlakatda yagona boshqaruv organini shakllantirishga erishilmadi, oqibatda turli guruhlar orasida qurolli nizo, keyinchalik esa xalqaro tan olingan muvaqqat hukumat va general Xalif Xaftar rahbarligidagi Liviya milliy armiyasi o‘rtasida fuqarolar urushi kelib chiqdi.

2020-yilda xalqaro hamjamiyat ishtirokidagi muzokaralar yo‘li bilan qo‘shma harbiy komissiya tuzildi, u yerga nizo tomonlari kirdi va ular butun Liviya hududida o‘t ochishni to‘xtatishga kelishib oldi.

10-fevral kuni qonun chiqaruvchilar milliy birlik hukumati mandati dekabr oxirida tugadi deb hisoblab, Fatxi Bashagini yangi bosh vazir etib sayladi, 3-mart kuni uning hukumati qasamyod qabul qildi. Bundan avvalgi bosh vazir Abdul Dbeyba lavozimdan ketishdan bosh tortmoqda, uning fikricha, faqat uning vazirlar mahkamasigina saylovlarga tayyorgarlikni amalga oshirish vakolatiga ega. U lavozimni faqat qonuniy saylangan davomchisiga berishini ta’kidlamoqda.

Izoh
Asosiy yangiliklar
Mahalliy
Foto: Toshkentda Xalqaro axborotdan erkin foydalanish kuniga bag‘ishlangan xalqaro konferensiya bo‘lib o‘tmoqda
Mahalliy
Qashqadaryoda 38 yoshli ayol va 19 yoshli qiz o‘zini poyezd tagiga tashlab, joniga qasd qildi. MFY raislaridan biri bu axborotni yashirib, “mahallaning siri” demoq...
Mahalliy
Shavkat Mirziyoyev transport sohasiga bag‘ishlangan yig‘ilish o‘tkazmoqda