Shavkat Mirziyoyev 6-iyul kuni Qozog‘iston birinchi prezidenti Nursulton Nazarboyevni tug‘ilgan kuni bilan tabrikladi.
Prezident matbuot xizmatining xabar qilishicha, telefon orqali muloqotda davlat rahabari unga mustahkam sog‘lik, baxt-saodat va muvaffaqiyatlar tiladi.
O‘zbekiston—Qozog‘iston do‘stlik, yaxshi qo‘shnichilik, strategik sheriklik va ittifoqchilik munosabatlarining bugungi darajasi, ko‘p qirrali hamkorlik barcha yo‘nalishlarda jadal rivojlanib borayotgani qayd etildi.
Nursulton Nazarboyev haqida
Qozog‘iston birinchi prezidenti Nursulton Nazarboyev 1940-yil 6-iyulda tug‘ilgan. U 1990-yil 24-aprelda Qozog‘iston SSR Oliy Kengashi tomonidan prezident lavozimiga tayinlangan. 1991-yil 1-dekabrda o‘tkazilgan umumxalq saylovlarida rasman prezidentlikka saylangan va shu bilan mustaqil Qozog‘istonning birinchi prezidenti bo‘lgandi. 2019-yil mart oyida u iste’foga chiqdi. 2021-yil oxirrog‘ida bergan intervyusida Nazarboyev umurtqasini operatsiya qildirgani davlat rahbari lavozimidan ketishining sabablaridan biri ekanini tan olgandi.
Izoh (0)