Bugun,

  • USD 11014.01
  • RUB 191.8
  • EUR 10674.78

AQSHdan tashqari yana 40 dan ortiq davlat Ukrainaga harbiy va boshqa turdagi yordamni ko‘rsatmoqda, dedi AQSH davlat kotibi Entoni Blinken. Uning bayonoti Davlat departamenti matbuot xizmati tomonidan e’lon qilindi.

Foto: Getty Images

Foto: Getty Images

“Ukrainaning mustaqilligi, suvereniteti va hududiy yaxlitligini himoya qilish, jang maydonida g‘alabalarini ta’minlash va muzokaralar stolidagi pozitsiyasini mustahkamlash maqsadida Qo‘shma Shtatlar, shuningdek, 40 dan ortiq ittifoqchi va hamkorlarimiz tomonidan Ukrainaga  xavfsizlik yordamini ko‘rsatish davom etmoqda”, — dedi davlat kotibi.

Blinkenning so‘zlariga ko‘ra, urush boshlanganidan beri AQSH Ukrainaga 5,6 milliard dollardan ortiq mablag‘ ajratgan. Shundan oxirgi marta 1 milliard dollarlik harbiy yordam paketi haqida 15-iyun kuni AQSH prezidenti Jo Bayden e’lon qilgandi. Yordam artilleriya qurollari va qirg‘oq mudofaasiga mo‘ljallangan vositalarni, shuningdek artilleriya o‘q-dorilarini va ilg‘or raketa tizimlarini o‘z ichiga olishi aytilgan. Qo‘shma Shtatlar, shuningdek, Kiyevga aholi uchun 225 million dollar miqdoridagi insonparvarlik yordamini o‘tkazishga qaror qildi, mablag‘ jumladan, ichimlik suvi, oziq-ovqat, tibbiy buyumlar va fuqarolarga asosiy ehtiyojlarni sotib olish uchun yo‘naltiriladi.

Ukrainaga harbiy va boshqa turdagi yordamni AQSHdan tashqari Chexiya, Buyuk Britaniya, Germaniya, Fransiya, Daniya, Niderlandiya, Yaponiya, Avstraliya, Litva, Italiya, Ispaniya va boshqa davlatlar ko‘rsatgan.

Rossiya rasmiylari G‘arb qurollari ortilgan karvonlarni qonuniy harbiy nishon sifatida ko‘rishini bir necha bor ta’kidlagan. Shuningdek, Kreml harbiy ta’minot Rossiyaning “maxsus operatsiya”dan ko‘zlagan maqsadlariga erishishiga to‘sqinlik qila olmasligini ham iddao qilgan. Rossiya prezidenti Vladimir Putin mamlakat armiyasi “Ukrainada Amerika qurollarini yong‘oqdek chaqib tashlagani” va qo‘shinlar allaqachon o‘nlab komplekslar, snaryadlar va turli inshootlarni yo‘q qilganini aytgan edi.

Izoh
Asosiy yangiliklar
Madaniyat
Instagram: Ustozlarini tabriklayotgan mashhurlar, onasiga qo‘shni bo‘layotgan Nilufar Usmonova, Ziyodaning volidasiga atalgan syurprizi
Sport
A Seriya. “Roma” Eldor Shomurodov maydonga tushmagan o‘yinda “Inter”ni mag‘lub etdi
Dunyo
Nikaragua hukumati Niderlandiya bilan diplomatik munosabatlarni uzdi