Bugun,

  • USD 11014.01
  • RUB 191.8
  • EUR 10674.78

O‘zbekistonda kun tartibidagi eng muhim masala – davlat hokimiyatining aholi oldida javobgarligi va uning shaffofligini ta’minlashdir. Bu haqda bugun, 24-may kuni bo‘lib o‘tayotgan “Inson qadri” onlayn platformasi va “2022—2026-yillarga mo‘ljallangan Yangi O‘zbekistonning taraqqiyot strategiyasi” to‘plami taqdimotida Senat raisining birinchi o‘rinbosari Sodiq Safoyev aytib o‘tdi, deya xabar bermoqda “Daryo” muxbiri.

Sodiq Safoyev

Sodiq Safoyev
Foto: “Daryo” / Dilruh Isomiddinova

Sodiq Safoyevning ta’kidlashicha, senatorlar va deputatlar ijro organlarining belgilangan dasturlarni amalga oshirishini qat’iy nazoratga olishi zarur.

“Kun tartibida turgan eng muhim masala — davlat hokimiyatining aholi oldida javobgarligi va uning shaffofligini ta’minlash. Bu o‘ta muhim va davlat xavfsizligi bilan bog‘liq masala. Chunki hukumat o‘rtasidagi ishonch ijtimoiy ishonchni shakllantirish omilidir. Buning yechimi xalq vakillari — barcha darajadagi deputatlar, senatorlar mahalliy kengash deputatlari bilan bog‘liq. Aynan ular parlament usullarini samarali holda deputatlik so‘rovi, eshituv orqali ijro organlarini belgilangan dasturlarni amalga oshirishni qat’iy nazoratga olmoqlari lozim”, — dedi Senat rasmiysi.

Sodiq Safoyevning qo‘shimcha qilishicha, “Taraqqiyot strategiyasi”da hokimiyatlar fuqarolar va biznesga xizmat qilish markazi bo‘lishi kerakligi ko‘rsatilgan.

“Taraqqiyot strategiyasi”ga binoan, bugungi kunda davlat ma’muriy tizimi ilgarigi davrlardan farqli o‘laroq, nafaqat boshqarish, balki fuqarolar va biznesga xizmat qilish markazi sifatida ko‘rilgan. Hokimiyatlar qay darajada ushbu talabga javob bermoqda? Bu savolni birinchi navbatda xalq vakillari bermog‘i lozim”, — dedi Senat raisi o‘rinbosari.

Izoh
Asosiy yangiliklar
Mahalliy
Shavkat Mirziyoyev rasmiy tashrif bilan Vengriyaga boradi
Mahalliy
Samarqandda bir guruh yigitlar IIB xodimlariga qarshilik ko‘rsatib, qochishga uringani aks etgan video bo‘yicha izoh berildi
Sport
Indoneziyadagi futbol uchrashuvi vaqtida yuzaga kelgan tartibsizliklar oqibatida 127 kishi halok bo‘ldi (video)