Futbol bo‘yicha BAA Pro-Ligasining 25-turidan o‘rin olgan o‘yinda “Sharja” 21-may, shanba kuni “Emireyts” bilan bahs yuritdi.
“Sharja” maydonida o‘tgan bahs 2:1 hisobi bilan yakunlandi, unda mezbonlar g‘alabani qo‘lga kiritdi. E’tiborlisi,“Sharja”ning g‘alaba goliga Otabek Shukurov mualliflik qildi. O‘zbekistonlik yarim himoyachi hisob 1:1 bo‘lib turgan vaqtda uzoq masofadan kuchli zarba yo‘llab, darvozasini ishg‘ol etdi.
Qayd etish kerak, uchrashuvda Otabek Shukurov sardor sifatida harakat qildi va to‘liq 90 daqiqa o‘ynadi.
Shukurov 23-tur doirasidagi uchrashuvda dubl qayd etib, jamoasiga g‘alaba keltirgandi.
Ushbu g‘alabadan keyin “Sharja”ning ochkolari soni 54 taga yetdi, jamoa musobaqa jadvalida 2-o‘rinda bormoqda. Peshqadam “Al-Ayn” hisobida 61 ochko mavjud.
BAA Pro-Ligasi
25-tur bahsi
21-may shanba
Izoh (0)