“Manchester Yunayted” yarim himoyachisi Pol Pogba mavsum oxirida erkin agent sifatida “Yuventus”ga qaytadi.
29 yoshli futbolchi turinliklar bilan 3 yillik shartnoma borasida kelishuvga erishgan. Pogbaning “Yuventus”dagi yillik maoshi 7,5 millionni tashkil etadi. Bonuslar bilan birga 10 million yevrogacha o‘sishi mumkin.
Avvalroq mankunianliklar yozda o‘nga yaqin futbolchi bilan xayrlashishi mumkinligi xabar qilingandi. Ularning ichida Pogba ham bor. “Manchester Siti” ham fransuzni o‘z safiga qo‘shib olmoqchiligi ma’lum bo‘lgandi.
Pogba 2012-yildan 2016-yilga qadar “Yuventus” sharafini himoya qilgan. 2016-yil yozida esa “Manchester Yunayted” futbolchini o‘z safiga qo‘shib olgan edi. Pol Angliya Premyer Ligasining 2021/22-yilgi mavsumida 20 o‘yinda maydonga tushib, 1 ta gol urdi va 9 ta golli uzatmaga mualliflik qildi.
Izoh (0)