Bugun,

  • USD 11095.31
  • RUB 173.84
  • EUR 10772.44

Shri-Lankaning sobiq bosh vaziri Mahinda Rajapaksa mamlakatdagi norozilik namoyishlari fonida harbiy-dengiz bazasiga qochib ketdi, deb yozmoqda Reuters.

Foto: Reuters

Foto: Reuters

Amaldagi prezident Gotabaya Rajapaksaning akasi va Shri-Lankaning ikki karra sobiq prezidenti Mahinda Rajapaksa o‘z xavfsizligi uchun shimoli-sharqdagi Trinkomali harbiy-dengiz bazasida yashiringanini harbiylar tasdiqladi.

Foto: Reuters

Foto: Reuters

Shri-Lankadagi norozilik namoyishlari fonida Mahinda Rajapaksa sal avval iste’foga chiqqan edi. Xabar qilinishicha, shundan keyin ham namoyishchilar sobiq bosh vazirning poytaxt Kolombodagi qarorgohini o‘rab olgan, shundan so‘ng u oilasi bilan harbiy bazaga qochib ketgan.

Yuzlab odamlar Rajapaksaning villasini qo‘riqlayotgan politsiyachilar guruhiga hujum qilib, vandalizm harakatini amalga oshirgan. Olomon villadan keyin Gotabaya va Mahindaning marhum otasiga bag‘ishlab ochilgan muzeyga borgan, u yerdagi eksponatlarni buzib tashlagan va bino ichini yoqib yuborgan.

Foto: Reuters

Foto: Reuters

Foto: Reuters

Foto: Reuters

Foto: Reuters

Foto: Reuters

Keyinchalik, mamlakat bo‘ylab komendantlik soati joriy qilinganiga qaramay, odamlar harbiy dengiz bazasi oldida ham to‘plangani xabar qilindi.

“Biz komendantlik soatiga qaramay namoyish o‘tkaziladigan joyga keldik. Biz hozir aziyat chekyapmiz. Kerosin, benzin, dizel yonilg‘isi, elektr — hech biri yo‘q”, — deydi namoyishchilardan biri.

Foto: Reuters

Foto: Reuters

Reuters agentligining qayd etishicha, 76 yoshli Mahinda Rajapaksa mamlakatdagi eng nufuzli siyosatchi hisoblanadi, uzoq davom etgan fuqarolar urushini tugatgani uchun ko‘plab shri-lankaliklar uni yaxshi ko‘radi. Biroq 1948-yilda Shri-Lanka mustaqillikka erishganidan beri eng og‘ir moliyaviy inqiroz Rajapaksa oilasining kelajagini shubha ostiga qo‘ydi.

2005-yilda Mahinda Rajapaksa prezidentlik saylovlarida g‘alaba qozongan va o‘sha paytda Mudofaa vaziri bo‘lib ishlayotgan Gotabaya ikkisi mamlakat shimoli va sharqidagi ayirmachilar bilan fuqarolar urushini tugatgan. Mahinda 2015-yilda uchinchi prezidentlik muddatidan bosh tortdi, biroq uning ukasi Gotabaya 2019-yilgi prezidentlik saylovlarida g‘alaba qozondi.

Eslatib o‘tamiz, Shri-Lankada mamlakatdagi og‘ir iqtisodiy inqiroz tufayli bosh vazir va prezidentning iste’fosini talab qilib, bir necha hafta davom etgan tinch namoyishlar halokatli tartibsizliklarga aylanib ketdi.

Ayni paytda Shri-Lanka prezidenti Gotabaya Rajapaksa noroziliklarga qaramay, o‘z lavozimini tark etishdan bosh tortdi. Biroq keyinroq u yangi bosh vazirni tayinlashga, shuningdek, parlament funksiyalarini kengaytirishga, o‘z vakolatlarining bir qismidan voz kechishga, norozilik hukm surayotgan mamlakatdagi vaziyatni barqarorlashtirishga va’da berdi.

Izoh
Asosiy yangiliklar
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi