Yoqib yuborilgan avtobus, Ukraina bayrog‘i ranglariga kirgan Eyfel, afg‘onlarga Koreyadan kelgan yordam. 10-may suratlari
Dunyo bo‘ylab olingan sara suratlarni taqdim etamiz.
Buyuk Britaniyadagi Nuh’s Ark hayvonot bog‘ida o‘ynab yurgan to‘rt oylik egizak ayiqlar.Foto: EPA
Qirolicha Yelizaveta II sog‘lig‘i bilan bog‘liq muammolar tufayli Britaniya parlamentining yangi sessiyasi ochilishini o‘tkazib yubordi. Uning o‘rniga taxt vorisi, Uels shahzodasi Charlz qatnashdi. Unga rafiqasi Kamilla va o‘g‘li Kembrij gersogi Uilyam hamroh bo‘ldi.Foto: Getty Images
Bangladeshda makkajo‘xorini yig‘ish va tozalash jarayoni.Foto: Legion Media
Shri-Lanka poytaxti Kolombodagi sobiq bosh vazir Mahinda Rajapaksaning rasmiy qarorgohi yonida namoyishchilar avtobusni yoqib yubordi.Foto: AFP
“Boysun bahori” xalqaro festivalida antenna izlayotgan kishi.Foto: Otash Yashin
Parijdagi Eyfel minorasi Ukraina davlat bayrog‘i ranglarida yoritildi.Foto: AFP
Nevada shtatida qurg‘oqchilikdan aziyat chekkan Mid ko‘li tubida yotgan o‘lik baliq.Foto: Getty Images
Suriyaning Idlib shahridagi Qah qochqinlar lageri.Foto: EFE
Tomas va Doris Ammann kolleksiyasidagi asarlar sotuvi paytida 170 million dollarga sotilgan Shot Sage Blue Merilin asari auksioni tugaganidan keyin qarsak chalyotgan Christie’s auksionchisi.Foto: EPA
Turindagi “Yevrovideniye—2022” qo‘shiq tanlovining ochilish marosimida qatnashgan Subwoofer ishtirokchilari.Foto: Reuters
Ukraina bayrog‘i va urushga qarshi shior yozilgan oyoq kiyimdagi ayol Istanbulda Ukrainani qo‘llab-quvvatlash namoyishida ishtirok etmoqda.Foto: Reuters
Shveysariyaning Aproz shahrida bo‘lib o‘tayotgan “Qirollar jangi” saralash bosqichida buqalar o‘z kuchlarini sinab ko‘rdi.Foto: EFE
Buenos Ayresning La Boka dahasidagi Kaminito ko‘chasi bo‘ylab yurgan sayyohlar.Foto: Martin Zabala
Kobulda Janubiy Koreyaning gumanitar yordam guruhi tomonidan tarqatilgan oziq-ovqatlarni olib ketayotgan odamlar.Foto: AP Photo
Shveysariyalik fermer Sullens shahri yaqinidagi dalasida traktorda ishlamoqda.Foto: Reuters
Germaniya tashqi ishlar vaziri Annalena Berbok Kiyevda Germaniya elchixonasi oldida davlat bayrog‘ini ko‘tardi.Foto: Reuters
Izoh (0)