Superligada aprel oyining eng yaxshilari aniqlandi

Professional futbol ligasi (PFL) Superliganing aprel oyidagi eng yaxshilari nomini e’lon qildi.

“OKMK” ustozi Mirjalol Qosimov aprel oyining eng yaxshi murabbiyi deb topildi.

Mutaxassis qo‘l ostida olmaliqliklar 2 o‘yinda 2 ta g‘alaba qayd etdi. To‘plar nisbati esa 5:1 ni tashkil qildi.

• Nikola Lazarevich (“Qizilqum”) – 2 o‘yin, 2 g‘alaba, to‘plar farqi 4:0;
• Ulug‘bek Baqoyev (“So‘g‘diyona”) – 2 o‘yin, 1 g‘alaba, 1 durang, to‘plar farqi 3:2;
• Shuhrat Maqsudov (“Bunyodkor”) – 2 o‘yin, 2 g‘alaba, to‘plar farqi 5:2.

“Qizilqum” darvozaboni Ignatiy Nesterov esa oyning eng yaxshi o‘yinchisi nomiga loyiq ko‘rildi. 38 yoshli posbon aprel oyida 2 o‘yinda ishtirok etib, ularda o‘z darvozasi daxlsizligini saqlab qoldi — 4 ta seyv.

Mazkur sovrin uchun quyidagi futbolchilar ham kurash olib borgandi:

• Avazbek O‘lmasaliyev (“Bunyodkor”) — 2 o‘yin, 1 gol, 2 assist, 12 yakkakurashlarda g‘olib, 36 marotaba to‘pga ega chiqishlar;
• Yovan Jokich (“Navbahor”) — 2 o‘yin, 99 aniq uzatmalar, 11 yakkakurashlarda g‘olib, 10 marotaba raqib hujumini buzishlar;
• Temurxo‘ja Abduxoliqov (“Qizilqum”) — 2 o‘yin, 2 gol;
• Aleksandr Stanisavlevich (“Qizilqum”) — 2 o‘yin, 1 gol, 1 assist;
• Sahob Rashidov (“Dinamo”) — 2 o‘yin, 2 gol;
• Shohruz Norxonov (“So‘g‘diyona”) — 2 o‘yin, 2 gol;
• Umarali Rahmonaliyev (“Bunyodkor”) — 2 o‘yin, 2 gol, 67 aniq uzatmalar, 13 marotaba to‘pga ega chiqishlar.