Профессионал футбол лигаси (ПФЛ) Суперлиганинг апрель ойидаги энг яхшилари номини эълон қилди.
«ОКМК» устози Миржалол Қосимов апрель ойининг энг яхши мураббийи деб топилди.
Мутахассис қўл остида олмалиқликлар 2 ўйинда 2 та ғалаба қайд этди. Тўплар нисбати эса 5:1 ни ташкил қилди.
Ушбу соврин учун, шунингдек, қуйидаги мураббийлар кураш олиб борганди:- Никола Лазаревич («Қизилқум») – 2 ўйин, 2 ғалаба, тўплар фарқи 4:0;
- Улуғбек Бақоев («Сўғдиёна») – 2 ўйин, 1 ғалаба, 1 дуранг, тўплар фарқи 3:2;
- Шуҳрат Мақсудов («Бунёдкор») – 2 ўйин, 2 ғалаба, тўплар фарқи 5:2.
«Қизилқум» дарвозабони Игнатий Нестеров эса ойнинг энг яхши ўйинчиси номига лойиқ кўрилди. 38 ёшли посбон апрель ойида 2 ўйинда иштирок этиб, уларда ўз дарвозаси дахлсизлигини сақлаб қолди — 4 та сейв.
Мазкур соврин учун қуйидаги футболчилар ҳам кураш олиб борганди:
- Авазбек Ўлмасалиев («Бунёдкор») — 2 ўйин, 1 гол, 2 ассист, 12 яккакурашларда ғолиб, 36 маротаба тўпга эга чиқишлар;
- Йован Жокич («Навбаҳор») — 2 ўйин, 99 аниқ узатмалар, 11 яккакурашларда ғолиб, 10 маротаба рақиб ҳужумини бузишлар;
- Темурхўжа Абдухолиқов («Қизилқум») — 2 ўйин, 2 гол;
- Александр Станисавлевич («Қизилқум») — 2 ўйин, 1 гол, 1 ассист;
- Саҳоб Рашидов («Динамо») — 2 ўйин, 2 гол;
- Шоҳруз Норхонов («Сўғдиёна») — 2 ўйин, 2 гол;
- Умарали Раҳмоналиев («Бунёдкор») — 2 ўйин, 2 гол, 67 аниқ узатмалар, 13 маротаба тўпга эга чиқишлар.
Изоҳ (0)