“Real” hujumchisi Karim Benzema Chempionlar Ligasi yarim final javob o‘yini doirasida “Manchester Siti”ga qarshi kechgan bahsda (3:1) penaltidan unumli foydalanib, o‘z hisobiga gol yozdirib qo‘ydi.
Benzema joriy mavsum YChL pley-off bosqichidagi gollari sonini 10 taga yetkazdi va 2017-yilda Krishtianu Ronaldu tomonidan o‘rnatilgan rekordni takrorladi.
34 yoshli hujumchi Chempionlar Ligasi 2021/22-yilgi mavsumida 15 ta gol urdi. Bu musobaqa tarixidagi to‘rtinchi eng yaxshi natija.
Chempionlar Ligasining bir mavsumi davomida gol urish bo‘yicha rekord Krishtianu Ronalduga tegishli. Portugaliyalik hujumchi “Real” safida 2013/14-yilgi mavsumda 17 ta gol urgan. Ushbu rekordni takrorlash uchun Benzemaga yana 2 ta gol kerak bo‘ladi.
YChL ning bir mavsumida eng ko‘p urilgan gollar:
1. Krishtianu Ronaldu — 17 ta gol, 2013/14-yil;
2-3. Krishtianu Ronaldu — 16 ta gol, 2015/16-yil;
2-3. Krishtianu Ronaldu — 16 ta gol, 2017/18-yil;
4-5. Robert Levandovski — 15 ta gol, 2019/20-yil;
4-5. Karim Benzema — 15 ta gol, 2021/22-yil.
Izoh (0)