Bugun,

  • USD 10940.05
  • RUB 182.26
  • EUR 11121.65

O‘zbekiston prezidentining tegishli farmoni bilan 2022-yil 1-apreldan e’tiboran o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga har oyda 500 ming so‘m miqdorida nafaqa to‘lovi joriy etildi. Bu haqda budjetdan tashqari Pensiya jamg‘armasi xabar berdi.

Foto: “Daryo” / Madina Nurman

Foto: “Daryo” / Madina Nurman

Bunda o‘zgalar parvarishiga muhtoj bolalar to‘g‘risidagi ma’lumotlarni Tibbiy-ijtimoiy xizmatlarni rivojlantirish agentligi Pensiya jamg‘armasining axborot tizimiga elektron tarzda taqdim etib boradi.

Ushbu parvarishlash nafaqasi fuqarolarning Davlat xizmatlari markazlari yoki Yagona interaktiv davlat xizmatlari portaliga (YIDXP) qilgan murojaatlari asosida budjetdan tashqari Pensiya jamg‘armasining tuman (shahar) bo‘limlari tomonidan mavjud bo‘lgan elektron ma’lumotlarga asosan tayinlanadi va to‘lanadi.

Shu bilan birga bugungi kunda Pensiya jamg‘armasi tomonidan Yagona interaktiv davlat xizmatlari portali orqali 8 turdagi ijtimoiy nafaqalar tayinlash uchun ariza berish, 3 turdagi pensiya (nafaqa) haqida ma’lumot olish hamda Pensiya jamg‘armasi ijro etuvchi apparati, hududiy boshqarmalari va tuman (shahar) bo‘limlari joylashgan binolarining yo‘nalishli (lokatsiya) manzillarini olish tizimi amaliyotga joriy etilgan.

Ushbu tizimni amaliyotga joriy etish orqali fuqarolar uchun quyidagi qulayliklar yaratilgan:

  1. Davlat xizmatlaridan foydalanish haftaning istalgan kuni va istalgan vaqtda YIDXP orqali murojaat etishlari mumkin (tegishli davlat organlarida: haftaning ish kunlari dushanbadan jumagacha murojaat etish imkoni mavjud);
  2. Davlat xizmatlari ko‘rsatish yoki rad etish 5 soniyada amalga oshiriladi (rad etish sabablari ko‘rsatiladi);
  3. Davlat xizmatlari ko‘rsatilishida Pensiya jamg‘armasi xodimlari ishtirok etmaydi.
“Bu esa o‘z navbatida aholining hamda keksa yoshdagi fuqarolarning mushkulini oson qilishda, mavjud muammolarini tezkorlik bilan bartaraf etishda xizmat qiladi”, — deyiladi xabarda.

Avvalroq O‘zbekistonda pensiya yoshiga yetgan xodimlarni ishdan bo‘shatish taqiqlanayotgani, O‘zbekistonda pensiyani plastik kartada oluvchilarga 1 foiz qo‘shimcha pul berilishi to‘g‘risida xabar berilgandi.

Ma’lumot uchun, 2022-yil 1-yanvar holatiga O‘zbekistonda pensiya va nafaqa oluvchilarning umumiy soni 4 million 39 ming 2 nafarga yetgan. Shundan 3 million 588 ming 4 nafari pensiya, 450,8 ming nafari nafaqa oluvchilar hisoblanadi.

Izoh
Asosiy yangiliklar
Mahalliy
Foto: Toshkentda Xalqaro axborotdan erkin foydalanish kuniga bag‘ishlangan xalqaro konferensiya bo‘lib o‘tmoqda
Mahalliy
Qashqadaryoda 38 yoshli ayol va 19 yoshli qiz o‘zini poyezd tagiga tashlab, joniga qasd qildi. MFY raislaridan biri bu axborotni yashirib, “mahallaning siri” demoq...
Mahalliy
Shavkat Mirziyoyev transport sohasiga bag‘ishlangan yig‘ilish o‘tkazmoqda