Toshkent shahrida 20-aprel kuni tekshiruvlar davomida ikki nafar haydovchi pnevmatik qurol saqlab yurgani aniqlandi. Bu haqda Yo‘l harakati xavfsizligi xizmati xabar qildi.
Qayd etilishicha, shu kuni soat 00:10 larda Chilonzor tumanida joylashgan “Erkin” YPX maskanida xizmat olib borayotgan YPX xodimi Sh.Hikmatov tomonidan Toshkent viloyatidan poytaxtga kirib kelayotgan haydovchi S.B. (1997-yilda tug‘ilgan) boshqaruvidagi Damas avtomobili to‘xtatilib, xolis va guvohlar ishtirokida tekshirilgan. Natijada avtomobil salonidan tegishli hujjatlari bo‘lmagan pnevmatik qurol topilgan.
Bundan tashqari, 20-aprel kuni soat 11:00 larda Mirzo Ulug‘bek tumanida joylashgan “Tuzel” blok-postida xizmat olib borayotgan YPX xodimlari I.Rahimov va S.Isroilovlar tomonidan Toshkent viloyatidan poytaxtga kirib kelayotgan, haydovchi T.N. (1985-yilda tug‘ilgan) boshqaruvidagi Malibu avtomobil to‘xtatilib, xolis va guvohlar ishtirokida tekshirilgan. Shunda avtomobil salonidan tegishli hujjatlari bo‘lmagan pnevmatik qurol topilgan.
Holatlar yuzasidan tegishli hujjatlar rasmiylashtirilib, haydovchilar va topilgan qurollar Ichki ishlar organlariga topshirilgan.
Izoh (0)