Bugun,

  • USD 11014.01
  • RUB 191.8
  • EUR 10674.78

Qashqadaryo viloyatining Dehqonobod tumanida ayollarning ichimlik suvi talashgani aks etgan video tarqaldi. Dehqonobod tumani hokimligi mazkur voqeaga munosabat bildirib, muammo buloq suvining qurib qolayotgani bilan bog‘liqligini ma’lum qildi.

“Mazkur holat 2022-yilning 19-aprel kuni tuman hokimi o‘rinbosari Sherdil Ergashev hamda ‘Qashqadaryo suv ta’minoti’ MCHJning tuman bo‘limi boshlig‘i Suyun Allanazarovlar ishtirokida o‘rganilgan. Mahalla hududidagi buloq qish va bahor faslining o‘z vaqtida yog‘ingarchiliklarsiz kelgani hisobiga qurib qolmoqda. To‘g‘rirog‘i, suv chiqishi ancha kamaygan. Biroq mazkur muammo mas’ullar, shaxsan tuman hokimi nazoratiga olingan bo‘lib, aholining suvsizlik masalasidagi har bir murojaati o‘z vaqtida o‘rganilgan. Hatto o‘tgan mavsumda suv tashuvchi maxsus avtomobillar orqali aholiga toza ichimlik suvi yetkazib berilgan”, — deyiladi hokimlik munosabatida.

Foto: Dehqonobod tumani hokimligi

Foto: Dehqonobod tumani hokimligi

Tuman hokimligi axborot xizmatining “Daryo”ga qo‘shimcha qilishicha, “Nurli kelajak” MFY hududida uchta qishloq joylashgan. Mazkur Dusha, Galabuloq va Obiravon qishloqlarida haqiqatan ham ichimlik suvi bilan bog‘liq muammo bor.

“Videodagi holat Dusha qishlog‘ida sodir bo‘lgan. Aholi vakillari avvalroq tuman hokimligiga ham murojaat qilgan. Murojaatga ko‘ra, voqea joyiga tuman hokimi o‘rinbosari Sherdil Ergashev hamda ‘Qashqadaryo suv ta’minoti’ MCHJning tuman bo‘limi boshlig‘i Suyun Allanazarovlar borib, aholi bilan ko‘rishgan va ichimlik suvi bilan bog‘liq muammo 2022-yil yakuniga qadar hal etilishini, unga qadar aholi tuman suv ta’minotining suv tashuvchi maxsus avtomobillar orqali arzon ichimlik suvi bilan ta’minlanishini ma’lum qilgan”, — deydi hokimlik axborot xizmati vakili.

Foto: Dehqonobod tumani hokimligi

Foto: Dehqonobod tumani hokimligi

Hokimlik vakilining qo‘shimcha qilishicha, mazkur qishloqdagi ichimlik suvi muammosi 2021-yilning yozida ham yuzaga kelgan.

“O‘shanda ham aholiga arzon ichimlik suvi yetkazib berilgandi. Buning uchun aholi vakillari MFYga yoki ‘Qashqadaryo suv ta’minoti’ MCHJning tuman bo‘limiga murojaat qilishlari lozim bo‘ladi”, — deydi mas’ul.

Foto: Dehqonobod tumani hokimligi

Foto: Dehqonobod tumani hokimligi

Hokimlikdagilarning ta’kidlashicha, hududga 2022-yil yakuniga qadar Oqsuv suvi tortib boriladi. Shuningdek, Doqqi—Boyqo‘rg‘on suv quvuri ta’mirlanadi.

Foto: Dehqonobod tumani hokimligi

Foto: Dehqonobod tumani hokimligi

Avvalroq Dehqonobod tumanida loyiha qiymati 268 milliard 400 million so‘m bo‘lgan “Oqsuv—Dehqonobod” loyihasining birinchi bosqichi ishga tushgani, 2022-yil yakuniga qadar loyihaning ikkinchi bosqichi ham ishga tushirilib, tuman aholisining 78 foizi yoki 116 ta qishloqdagi 112,8 mingdan ortiq aholi toza ichimlik suvi bilan ta’minlanayotgani xabar berilgandi.

Izoh
Asosiy yangiliklar
Mahalliy
Samarqandda to‘yda yo‘qolib qolgan 4 yoshli bolaning jasadi quduq ichidan topildi
Retseptlar
Pechda pishirilgan qovoq: mazali retseptlarni tayyorlab ko‘ring
Dunyo
Shimoliy Koreya bir haftada to‘rtinchi marta ballistik raketalarni uchirdi