AQSH Rossiyaga qo‘llanilgan sanksiyalar tufayli neft qazib olishni oshiradi

AQSh Oq uy ittifoqchilarini olti oy ichida bozorga kuniga 1 mln barreldan ortiq neftni qazib olish uchun keng ko‘lamli tovar intervensiyasini boshlashga chaqirdi. Bu haqda “Kommersant” xabar bermoqda.

AQSH bu qarorini Rossiya sanksiyalar ta’siri tufayli ishlab chiqarishni yanada qisqartirishga majbur bo‘lishi mumkinligi bilan izohlamoqda. Vashington tomonidan strategik zaxiradan bunday jiddiy foydalanish zaxira hajmining uchdan biriga qisqarishiga va 1983-yilgi darajaga qaytishiga olib kelishi mumkin. O‘sha yili AQSHda neft inqirozi yuz bergandi.

Oq uy olti oy ichida strategik zaxiradan kuniga 1 mln barrel neftni qazib olish niyatida ekanini ma’lum qildi. Shu tariqa mamlakat 180 mln barrel neftni qazib oladi.

Prezident Bayden bu tashabbusni butun dunyodagi ittifoqchilar va hamkorlar bilan birga amalga oshirmoqchi. Bunga boshqa davlatlar ham qo‘shilishi kutilmoqda, shundan so‘ng kuniga 1 mln barreldan ko‘proq neft qazib chiqarish mumkin bo‘ladi, — deyiladi Oq uy xabarida.

Intervensiya to‘g‘risidagi e’lon AQSH va Yevropada yoqilg‘i narxining sezilarli darajada oshishiga olib kelgan yuqori neft narxlari fonida ma’lum qilindi. Ukrainadagi cho‘zilgan harbiy mojaro Yevropa Ittifoqi davlatlarini Rossiya neftiga embargo qo‘yish haqida jiddiy o‘ylashga undamoqda. 

Ammo xomashyo narxining yanada oshishi tahdidi va neft yetkazib beruvchilarni topish zarurati tufayli yechim topilmayapti. Boshqa davlatlar nefti har qanday holatda ham murakkab logistika tufayli rus neftidan ancha qimmatroqqa tushadi. 

Germaniya haqida shuni aytishimiz mumkinki, biz bu yil davomida Rossiyadan neft va ko‘mir importiga qaramlikdan voz kechishimiz mumkin, biroq gazga ko‘proq vaqt kerak bo‘ladi, — deydi Germaniya kansleri Olaf Shols.

Avvalroq Germaniya yil oxirigacha Rossiya neftidan deyarli to‘liq mustaqil bo‘lishni rejalashtirgani haqida xabar berilgan edi.