Toshkent shahrida 1-apreldan issiqlik ta’minoti o‘chiriladi. Bu haqda shahar hokimligi xabar qildi.
Qayd etilishicha, “O‘zgidromet” ma’lumotiga ko‘ra, bahorgi iliq kunlar boshlangani va havo harorati ko‘tarilishi munosabati bilan 1-apreldan Toshkent shahrida 2021—2022-yillardagi isitish mavsumi yakunlanadi.
Eslatib o‘tamiz, Toshkentda 12-oktabrdan ijtimoiy soha obyektlarini isitish
boshlangan. 14-oktabrdan esa ko‘p qavatli turar joy binolari muntazam isitishga o‘tkazilgan.
2020-yilgi isitish mavsumi 15-oktabrdan boshlanib aprel oyi boshlarigacha davom etgandi (2019-yilda 25-oktabrda boshlanib 25-martgacha davom etgan).
Avvalroq O‘zbekistonda issiqlik tarmoqlarining 60 foizi ta’mirtalab ahvolda ekani ma’lum qilingandi, Shuningdek, Toshkentda isitish tizimiga kechikib ulangan xonadonlar qayta hisob-kitob qilingani to‘g‘risida xabar berilgandi.
